跳至主要內容

2011 Kuala Lumpr Trip ~ Day 8 : Royal Selangor 鍚器博物館 + KLCC

Day 8, 遊完雲頂打消了去法國村的念頭, 改去Royal Selangor鍚器博物館, 幾好睇喎! 下午去返兜大口子+逛KLCC Suria, 然後夜晚又食好野, 仲上埋超靚景bar欣賞KL高層夜景~~~ 



在KL的第3日, 一起身又落樓食早餐~ 是日有熱香餅, good! 


跟旅遊書搭LRT去Wangsa Maju, 再轉車去參觀Royal Selangor錫器博物館~ 是日被當地馬拉人介紹了去搭巴士, 又買了Rabbit card (RM10)~ 原來佢可以用黎搭LRT, 幾都方便, 而且巴士人少, 冷氣又足, 都幾舒服 ; 不過好短的路程兜了我地半粒鐘, 早知唔好問人直接搵架的士啦!
Royal Selangor博物館是免費入場的, 網址: vistorcentre.royalselangor.com


必影景點---全世界最大錫製啤酒杯

  
另一殺菲林位----大量錫製手印牆~~


後來聽介紹人員講, 依D全部都係此處生產錫器的工人手印~ 幾有意思喎!


正式入口位~ 設計好靚!

上去博物館參觀啦!! 依度服務好好, 會有專人陪同講解~~


館內展示了錫器的用途, KL發展史及鍚礦關係, 等等~~
時至如今, Royal Selangor現已聞名全世界, 更收購了2間歐洲公司, 都咪話唔勁!




館內又展示了mini Twin Tower, 其實都有成6米高!!


在這裡更可以近距離參觀精品鍚器的製造過程!


講解員仲會為每位遊客送上lemonade飲品, 好refreshing, 好貼心!! 


依個華藉的女工, 為我地示範如何製作一個把手---要以高速將超高溫融解的錫倒進模具內, 並快速轉動, 使之產生空心效果!


真係做到空心效果架!!


另一馬拉女工, 為我地展示如何打磨錫器, 使之更加光滑透亮~


這裡產品全是手製而非機製, 最令我留下深刻印象, 是女工為錫杯打上花紋!


人手竟可打到如此細緻又平均, 好靚好叻呀!! 


俾我地試打一下.... 老公都算定, 俾我個下真係超勁難控制呀!!!!


打到超肉酸.... 


尚有更多的生產流程可以慢慢參觀~~~


而咁巴閉的Royal Selangor精品錫器王國, 其實是一位華人Yong Koon於1885所創架!
真係叻~~~ 


參加完factory tour, 有自由shopping同食野時間~



場內有大量精品供遊客選購, 不過定價都唔平, 一隻水杯要RM140起~


行到差不多, 去附屬的Cafe食野


幾鍾意依間Cafe的環境, 好舒服!! 



Cafe中的水池內有好多條大錦鯉呢!! 突然好想餵佢地麵包~~~


Today's special : Chicken rice (RM10)
定價不貴, 而且有雞脾好開心! 不過D飯較乾又硬, 一般咋


Oreo Cheesecake (RM9), 依個好香芝味, 又有勁多Oreo, 超好味!!! 


仲有Green tea & strawberry fillingChocolate with peanut filling Macarons (RM6.5), 兩款都幾好味~~ 


我地都好掛住大口仔, 好想試埋佢另一主打---魚頭, 所以下午又去返兜


環境真係好一般, 不過食物真係又抵又好食


要了份細的薑蓉魚頭 (RM23), 成品超大份, 肉嫩且啖啖肉!! 再加份細蔥油豆腐 (RM7), 份量又係唔細, 醬油甜甜地配上香蔥, 口味吸引, 加上豆腐超滑, 又係好食!
再配上竹庶水同白飯, 又係無得頂的一餐下午茶~~ 


之後去Suria KLCC shopping~ 由地庫開始行, 場內超多甜舖, 數量太多不能盡post!! 為了留肚, 好多我都忍到, 直到見到最愛的Cream & Fudge, 真係無得再忍啦!


要了Macadamia toffee cheesecake炒雪糕配waffle杯~ 好味到暈!!! 


商場內又有一層是專賣孕婦同BB野, 睇到人花怒放!! 不過好多靚野都o岩女仔, 唔太o岩男仔呢....


除了行BB店, 甜品店, 同鞋店 (KL的local brand好抵買!!), 我地又去了參觀了場內一間藝術展覽館~ 雖是免費入場, 但D展品都幾靚, 有少少巴黎龐比度feel! 





加埋老公的行為藝術後, 更加無得頂  



最後o係門口都再黎多張~~ 


個場好大, 終於行到Suria KLCC頂層了~~~


向上可以望到雙子塔~~


老公俾頂層food court的其中一檔大頭蝦吸引了~~


RM18的印式燒大頭蝦


好大隻超多膏!!! 不過D肉有點嚡~~~


老公食得好滋味~~~


差不多黃昏, 係時間離開Suria KLCC去晚餐地點
一早book了文華對面的The Ascott 7atenine食dinner~~


7atenine @ The Ascott


同日前幫襯的Frangipani's唔同, 7atenine 設計好新穎, 依個係入口位~~

樓上係用餐區, 樓下則為酒吧區


要讚依度服務全程好好, 一來到侍者已主動送上特大cusion, 好細心!! 
而餐前唔係送上麵包籃, 而係送上麵包條~~


好鬼長, 可以拎佢黎開片喇~~~ 


頭盤 - Pan seared foie gras (RM38), served on toasted nut bread with berry compote & kumquat jus
老公o係Frangipani's食鵝肝上左癮, 所以勁點鵝肝... 作為頭盤依度定價不高, 擺碟好靚, 但肝味差好遠, 好在清新莓子醬拉返唔少分~


Angel hair pasta (RM33), cooked with salted kelp, layu oil & seared tiger prawns
此店主打fusion菜, 天使麵賣相同味道都有D星洲炒米感覺, 但效果唔差的; 虎蝦好大隻, 不過肉質唔夠鮮爽


Fillet Rossini (RM85), slow baked grain fed beef, served on rosemary garlic bread with kumquat jus & seasonal vegetables
主菜又要鵝肝伴牛柳, 墊底仲有薄脆naan bread, 夠哂豐富別致! 同前, 鵝肝質素一般啦, 牛柳就火候唔錯~

  

就咁, 慢慢由天光嘆到天黑~~~


  
又到最開心的甜品時間喇!! 不過是晚食力麻麻, 只要了兩款 ; 但又好彩只要了兩款, 因為依間的甜品陣頭真係幾大~~ 


Mango sticky rice (RM19), steamed glutinous rice, served with mango & passion fruit ice cream
芒果糯米飯食得多, 但依度特別配上熱情果雪糕, 暖暖香甜糯米飯撞上冰凍清新雪糕, 效果又幾好喎!! 而且份量特大令人好滿足呢~~~ 


Tiramisu (RM22), layers of mascarpone, cream cheese & coffee flavoured sponge, laced with a tinge of rum, topped with cocoa powder
色澤同賣相都好吸引, 而且好大杯令人興奮!! 食落有恰如其分的芝香, 咖啡香, 酒香, 質感又對辦, 正!! 


老公要了杯咖啡, 不過聽講只係麻麻


講味道依度唔及Frangipani's, 但依度勝在消費唔太貴, 服務超好, 埋單時除主動送上5%折扣, 又俾我地填意見卡, 整體用餐感覺好好! 


洗手間都好型格~~~



入夜後的酒吧~~ 好hip呢!


之後本來想去The Ascott的頂樓Sky lounge飲野, 欣賞KL璀璨夜景~~
不過酒店人員話只限住客先可以上去, 冇計啦...


唔通要咁樣o係樓下睇??


又俾我地搵到另一處仲正的地方---Pacific Regency的頂樓酒吧


其實我係查書上去, 間bar應該叫Luna Bar, 但入口卻寫了依個怪文~ 其實Luna Bar都只限酒店住客, 但職員可能見我大肚都特來捧場, 最後俾我地入去, yeah!! 


酒吧位~~


超美的泳池夜景!!!  難怪曾獲Best Night Spot殊榮!!
側邊的disco room, 燈光會隨音樂變色, 帶來更迷幻感受~~~ 


向後望可以睇返酒吧位, 同埋KL tower~
最後一晚可以享受到咁靚的夜景, 真係好感恩呢!! 


美景之下, 試下玩下部機, set 10/5秒睇下效果如何先~~~ 原來好難下!
不如又睇下老公作品~~


依張係玩野的~ 不過又幾特別喎!! 


相比夜景, 飲品絕對只是配角~~~


都介紹下啦! 我點了不含酒精Deep & Sexy (RM18), 混和了strawberry同guava汁, 口味好清新, i like it~~ 


老公就要了推介的Appollo 13 (RM35), 聽講都幾好飲~

  
最後再來張合照, 並為今趟旅程咁平安又順利而感恩啦~~ 


之後搭的士回程中, 仲影到都幾四正的雙子塔添!!


在KL的最後一夜完滿結束~~~ 

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~