跳至主要內容

雙B勁食派對 + 萬豪生日飯

上週日, 去了Oli屋企探契B, 順便開一個我唔多想慶祝的生日party.....
契B同光頭B相遇, 結果會係點??  



絕對係光頭Matthew BB惡哂, 一d唔怕人 (貓) 之餘, 仲勁拎契B的玩具黎玩!! 



連磨爪的工具也不放過, 仲幾乎想爬埋入籠!!! 





契B「條友真係好狼, 嚇C人(貓) 咩............」



超級好動的Matthew又爬去廚房, 想開埋洗衣機 (定想爬入去?).... 



越睇越心驚, 媽媽都係轉頭專心去食野好過~~ 
每次開P都超多野食, 是次亦唔例外, 多到唔逐一介紹啦!!



只係雪糕都有七盒, 你地話係咪超勁?! 



之後仲有生日蛋糕, 預慶媽媽唔想進入的30歲生日...
 


相比媽媽, Matthew絕對對生日蛋糕的興趣大好多
仲趁媽媽唔覺, 一手插落蛋糕度!! Oh no.......... 



搞到媽媽忍唔到笑...... 冇哂儀態添!! (雖然不嬲都冇乜) 



大合照後, 又是時間出發去食野啦!!



是晚媽媽超榮幸, 在大家陪同下, 好豪咁乘搭Marriott的專車去天際萬豪酒店食飯! 



晚餐地點係萬豪中菜廳, 環境好grand好靚呢





媽媽又是先要餵飽Matthew (這次八卦的Kaka也跟進來.. 結果Matthew分心了好一陣!)
出來後已經有得食, 開心~~

首先是蜜味叉燒 ($192), 質素可以, 不過與上月利苑的相比, 水準猶有不及啊



煙薰素鵝 ($87), 皮薄潤澤, 煙熏味香口吸引, 餡料也豐富吸引, 幾好食



香酥蓮藕餅 ($117), 不是煎的琢蓮藕+肉餅, 而然是炸的夾心餅, 口感很爽, 有夠怪!



花彫醉乳鴿 x2 ($88@), 傳聞吃乳鴿會收奶的, 媽媽不敢多吃!
不過也八卦小試了一小口 (然後傳給爸爸), 印象中花雕味都幾香濃的



竹笙羅漢齋 ($162), 下午大家吃得太飽, 當晚點菜也以清淡不膩為主, 也好, 吃得健康點囉!




北菇麒麟豆腐 ($147), 又一健康菜式, 但豆腐實在太重芡, 反而旁邊的西蘭花更好



水煮牛肉 ($222), 只吃素菜會悶C我那嗜辣的老公, 這水煮菜式是他特別要求點的
估唔到個辣汁唔錯, 有食友食完大叫好辣 (其實是麻香多於辣), 但牛肉就勁滑似「拿」過

 脆皮吊燒龍岡雞 ($320), 無特別的燒雞, 但據知係名菜, 有D費解

頭抽生煎排骨 ($192), 好簡單的菜常菜, 反而做得唔錯
排骨好入味, 同炒的蔥段更是香口美味不得了, 送飯一流的!



媽媽已由甜魔變身飯桶, CEO亦特別安排兩款炒飯, 滿足飯癮, 正!!

這是瑤柱蛋白炒飯 ($148), 炒飯粒粒分明, 香口帶鮮味, 簡單卻美味!
 


反而招牌的萬豪炒飯 ($188) 雖然用料較矜貴, 加了鮑魚、蝦肉及松子等, 但味道不如前者



再加上一碗白飯送餸, 這餐飯癮大滿足, 不過飯後也吃了些甜點

首先是豆沙香蕉球 x2 ($48@), 成品似是加了豆沙香煎餡的煎堆, 香脆熱暖關係, 不錯的



不同款的糖水也各點了數份, 一起分享更試更多

蛋白杏仁茶 ($48@) 是最差的, 杏仁味濃但不香不滑 ;
蓮子百合紅豆沙 ($48@) 水準正常, 就是貴了點 ;
金薯露湯丸 ($58@) 也是貴, 但味道最好, 既有湯圓食, 糖水底又有濃濃蕃薯甜香

壽桃 x14 ($15@), 最後是每人一個壽桃包 (多點一隻給Kaka)
估不到份量很小, 而且味道也是利苑較出色~~~



總括今餐水準平平, 水準不如上回利苑 ; 不過HSBC白金卡有折, 折後只是$2,700, 又幾抵食

同埋, Matthew仔在餐廳都玩得好開心下, 依個係佢的新小紅帽look! (舊的請按此) 



而且Kaka真係好鍾意Matthew, 係咁同佢玩, 睇到都開心!! 







仲有片睇添!

 
好開心盡慶的一日, 多謝哂大家!! 

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~