繼12月尾一家三口的澳門冬日住宿之旅, 上週二媽媽又拎了假即日遊澳!!
其實, 今次係CEO帶領整個FHY小組 (連同com sec Mandy), 一齊過大海食食食
第一站去了永利酒店的永利軒食lunch, 不過結果有d失望
作為五星酒店中菜廳+米芝蓮二星餐廳, 大紅色調勁搶眼, 門面同環境係無得彈的其實, 今次係CEO帶領整個FHY小組 (連同com sec Mandy), 一齊過大海食食食
第一站去了永利酒店的永利軒食lunch, 不過結果有d失望
餐廳的樓底雖唔算好高, 但空間感都幾足, 牆上一條活龍活現的龍雕更添氣派
大紅牆壁上掛著福祿壽字畫, 再加上金色龍壺擺設, 優雅地表現了中國風情
在超正環境下為CEO伉儷留影先, 可惜之後食物水準未能同環境掛勾
首先上檯有雪影燒餐包 ($35), 包身外層輕薄香脆, 唔差, 不過中間叉燒餡好普通
如下圖, 崧子叉燒批 ($32) 的外觀唔算好四正, 有D位係崩崩地, 味道亦無驚喜
鵝肝咸水角 ($38) 唔睇餐牌真係唔太覺鵝肝存在, 味道依稀同普通咸水角差不多
明太子鮮蝦豆苗餃 ($38), 皮薄但非常黏口, 餡料質素則唔錯, 但仍未有驚艷火花
我地又另點了蜂蜜灸叉燒皇 ($98), 但成品較實, 唔得鬆化富蜜味, 只勝在夠大份!
仲有名貴的鮑魚燒雞酥 ($68), 鮑魚無乜口感同鮮味, 其實又係麻麻地
自家特色麻蓉包 ($28) 則比較似樣, 麻蓉餡甜度適中而且好香
不過都有餡料不均的問題呀!!
反而無乜期望的洛神花扣豬手 ($38) 唔錯, 豬手扣得好入味而且軟稔鬆化
豆腐千層腐皮夾 ($32) 係另一味較特別、有賣點的點心, 其實有點似豆腐撈油條效果
食到一半, 我地已判依間野完全唔值2星, 去到冰花紅棗燉鮮百合蘆薈 ($28) 都無乜期望去試, OK啦
最後黑糖南瓜子馬拉糕 ($28) 都唔錯o既, 雖然個人更推介利苑的奶皇千層糕
留言
發佈留言