跳至主要內容

新春關西之旅day 2 ~ 奈良 + 黑門市場、道頓堀、心齋橋

唔好俾佢停, 緊接而黎又繼續介紹第2日的行程啦~~~ 



我地今次的行程係唔包早餐的, 於是早上起身梳洗後, 約10點再落樓搵早餐食~~
原來o係日本好多餐廳都唔供應早餐, 選擇勁少下, 我地兜左差不多15分鐘先搵到BK開餐...
  


實在要讚日本非常之Baby-friendly, 連快餐店都設有BB專用區, 實在方便帶車仔o既我地呀! 
 


加¥40轉了牛奶, 依2個餐盛惠¥620, 其實都幾唔抵呀..
所以之後為慳時間兼更有營養, 我地改為自己去超市買牛奶同麵包食! 


有點關於交通非常重要, 就係旅遊書成日教人搭JR, 但其實好多時搭其他鐵路更加方便
以我地去奈良當日為例, 其實由日本橋站 (又係好近難波的) 搭近鐵去仲直接架!

而日本橋站附近有個好出名的黑門市場, 我地又順便去逛埋先出發 
  

好多超吸引的水果呀! 如果去到夏天應該更加不得了~~~


我地忍唔住手又買了士多啤梨, 不過真係好驚佢會壓壞, 沿路100個小心... 好在最後無事~~~


除了水果又有好多唔同的海產店, 唔知點解, 人地的市場可以咁企理, 一D腥味都無!!


各種野菜都好整齊吸引, 同香港的街市大混戰完全唔一樣呀! 


仲有好多和式果子/大福買~~~~


仲有咖啡專門店~~~


雞泡魚店~~~


其中一檔出售特濃豆乳, 吸引我地買了一支大的~~ 味道真係好濃, 不過係無糖架!


俾依檔深深吸引了.........


買了一個來試, 真係幾好味~~~ 
  

之後搭去奈良古都睇鹿啦~~~~



車程約莫45分鐘, 去到奈良12點幾, 有D肚餓, 先去附近的商店街搵食先~~


揀了依間Cafe來吃媽媽好like的蛋包飯~~~ 


依間Cafe要落樓梯, 而且冇BB椅 (不過好多日本餐廳都無) Matthew要坐車, 不過D野食實在好得!!

佢的蛋包飯超級好味!! D蛋又滑又香又鬆又軟, 加上咖哩汁超正囉~~~ 
同上的飛魚子意粉又係好好食, 仲有忌廉薯餅都好美味, 媽媽連最後的沙律菜都食乾淨哂!

爸爸點的漢堡牛肉蛋包飯又係好好味, 當然Matthew仔唔會放過我地, 所以都食左好多冇汁的滑蛋, 仲有墊底的茄汁飯, 大家都非常之回味囉!


加埋一杯爸爸的烏龍茶, 依餐埋單¥2000仲有找, 真係太美妙又抵食啦~~ 



繼續向奈良公園進發~~~



未正式進入園區, 已經見到超多的鹿啦!! 佢地真係完全唔怕人, 仲好主動走黎討食添!


佢地目標就係依D鹿餅啦!! 一大塊餅可以一口就吞落去, 狼的程度可以媲美Matthew仔啊~~ 


 
由媽媽試範餵鹿~~~



Matthew初遇鹿鹿~~~


試餵鹿鹿~~~


好動豬餵了一下就唔餵了, 改為自己通公園走~~~


 
有少少執得太濃的大機相... 不過相中細細粒的Matthew仔真係好得意~~
  

其實好多小朋友都好鍾意o係公園餵鹿, 本來我地都以為Matthew會好enjoy的...


點知當我地再次教Matthew餵鹿時, 爭餅事件就發生喇....
   

唉, 多講無謂, 大家自己睇片啦~~~  
  
IFrame

鹿仔「小朋友... 你已經食飽飽, 做乜仲同我地爭食呀??」
  

之後去睇園內另一文化古蹟興福寺~~~

媽媽影時無乜陽光, 回程時爸爸趁天色放晴影了另一張, 靚好多好多!!!



好明顯Matthew仔覺得古蹟無乜好睇, 反而地下的砂石仔好好玩~~~
  

試下換由爸爸來放狗~~~



爛玩豬仍然死性不變, 竟然咁樣訓o係地下玩....!!! 
 

為了唔俾Matthew訓地玩石, 媽媽帶佢上了高幾階的石級放狗~~~
  

好鍾意依幾張連拍, 超有動感又超開心溫馨~~~ 


爛玩豬玩到臉紅紅, 仲申哂脷呀~~~ 



其實剛才媽媽的身後, 就係另一個古蹟---南円堂了~~~
當然天色突然一暗, 之後仲有飄雪添....


當日的飄雪唔係好勁, 用相機影唔到, 不過由BB車頂可以反映出黎~~~
  

又或者用video mode都可以捕捉得到, 不過由於upload去youtube後質素下跌, 一定要放大先睇到~~

IFrame

就係咁, 可想而知當日當地都幾凍架... 基本上去關西咁多日, 最凍就係o個個下就~~
 

當日天黑了一陣, 過了5分鐘又再次放晴了~~~

  

一見到咁長的樓梯, 我地就決定唔行啦~~~ 好在仲有另一條路落去的!
  



我地兜兜兜~~~


慢慢行去春日神社~~~


見到依個紅色的門檻, 就知距離目標不遠了~~~


又係周圍都係鹿鹿~~~


依隻鹿好主動乞食, 後來食左我三塊餅丫!!



爸爸機下的鹿群~~~
   


雖然天寒地凍, 但老公提出想食雪糕!!! 當然OK approve~~~


要了即叫即製 (落單後落綠茶粉去整的) 綠茶雪糕 (¥300)~~~


好濃郁好好好味!!! 各位, 依張相係向大家說明, Matthew仔的浮跨表情何來~~ 


繼續行~~~


去到依個位, 我地發現實在有太多梯級啦..
反正Matthew仔未到春日神社前早已訓住, 媽媽就留守陪佢, 由爸爸上去影相~~


依張係唔知幾時俾爸爸偷影到的~~~
   

鹿大仙噴泉??




爸爸影到有人結婚, 傳統的和式禮服好特別呀~~~



爸B一返到黎, Matthew仔醒啦!! 駛唔駛咁精靈呀?!?! 


更多的鹿鹿, 其中有一隻搶食了我地份地圖!!!!  



奈良可以參觀的景點唔算多, 玩到差不多3點, 我地又搭鐵路回程啦~~~
去到日本橋站, 是日發現了一條超長超多野行的地下街, 正!!
  

買了泡芙同雞蛋布丁做下午茶~~~


見時間有早, 媽媽心思思要去返DAY 1飲恨的大阪元祖燒餅!!


皇天不負有心人, 果然下午時段少好多人, 完全唔駛排隊直入呀!!


依度食物的presentation好特別, 係煮好後再放上鐵板燒檯, 俾食客自己再煎再燒的
不過講到味道, 我覺得佢唔係太夠火候, 依個牛肉鐵板炒麵好一般咋~~~



仲有另一個人氣的豚肉魷魚大阪燒餅, 又係無乜特別, 埋單¥2050, 純粹係了卻心願~~


之後又去行心齋橋, 見到一間超人氣的甜品店, 不過帶住BB無謂同人逼啦.....


反而去大丸MUJI買了好多野... 因為日本MUJI一來就比香港平, 仲要好多野都半價, 超級抵買啊!!
之後仲逛超市, 買左唔同的水果、牛奶、乳酪, 仲有刺身食~~~

依款白士多啤梨早前參加Arome Bakery活動中試食過, 今次親身o係日本見到, 真係好名貴呢

  
爸爸話食大阪燒餅食到好滯, 所以買了刺身返去開下胃~~~
  


依2盒基本上全由爸爸包辦, 好犀利!!!


以免為食豬又想食埋一份, 媽媽買了杯乳酪同佢分享~~~


同大家講, Matthew仔其實好鍾意好鍾意食乳酪架, 一整杯可以一個人食哂!


老公食完刺身果然有返胃口, 又落樓食拉麵~~ 依間四天王都係DAY 1飲恨的食肆 (因為店內太窄BB車入唔到), 是晚我地用Kid carry帶Matthew落去就無問題啦! 
  


依度好多間拉麵店都係咁樣自已先入錢買食劵, 然後交俾店員上檯處理的


同爸爸分享的依款醬油拉麵好好好食, 湯底夠濃、豚肉又豐腴鬆化, 超正!! 



依碗飯就係Matthew仔的晚餐了~~~


為食豬真係好心急, 媽媽撈慢少少都要催架~~~


食飽飽, 又係時間返酒店沖涼~~ 酒店的浴缸好夠深, Matthew仔沖得好開心!


應承了同大家分享的浴照, 係咪好正呢?!



超美味的士多啤梨, 就係每日美好的終結~~~~ 


就係咁, 第二日完.... 之後幾日會寫寫新年片段, DAY 3 - 5後少少再出, 大家耐心等等!

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~