跳至主要內容

復活節墾丁 + 高雄之旅 DAY 5

對於爸媽來講, 高雄真係無乜好玩, 不過對於BB又唔一樣~~
因為有Matthew, 明明無聊的商場都可以玩足一日.. 唔講太多, 行程最後一日去片!! 


一早起身, 又係食一個飽飽的早餐~ 內容同DAY 4差不多, 只貼圖唔介紹啦~~







之後又係去Playroom玩, 爛玩豬唔知有無玩創個心???


之後去游埋最後一次啦~~ 事關返到香港, 會所的泳池都要5月先重開了~~


室內池光線係差D, 不過今日帶了正常相機, 能見度算係比較好喇~~~






同爸爸玩水好開心!!!!

 
由波池可以直望旗津港~~ 不過我地冇去了, 因為想帶Matthew去Dream Mall呢~~
  



沖埋涼執好野, 又係時間要check-out~~ 靚靚的金典酒店, byebye啦!



在金典的logo來張一家四口的合照~~~


搭的士去Dream Mall的途中又合照~~~


依個Dream Mall (夢時代) 俾我行應該一粒鐘搞掂, 俾著爸爸更加走夾唔頭, 但對於Matthew超吸引!


入口位已經莫名吸引~~


一入商場仲有Matthew至愛的iPad! 馬上衝過去~~~~



係咁指住叫iPad, 之後又指住個clock item叫Time (因為屋企flash卡的time係展示時鐘的)~~ 其實Apple係咪應該考慮搵Matthew仔做代言人呢? 


依度有摩天輪搭的, 不過畏高的爸爸當然唔肯搭 (其實佢好多野都好驚架..), 媽媽同Matthew o係摩天車卡模型旁邊玩捉迷藏算啦~~~



個Mall有個卡通專區, 超適合BB去睇去摸去玩~~~



飛擒大咬!!! 



自己擒上椅做B模 (Matthew的活動能力真係超強~~), 俾爸媽影!!
  

好似幾得意, 不過冇去寄了~~~


都有幫BB睇鞋, 依對涼鞋好靚架, 不過Matthew試到一半, 由於眼訓大發脾氣, 就無買了~~


都見到好多小學生特別來商場參加活動呢~~~


成個商場超大, 乜都有得賣, 不過唔算吸引~
較特別係忘了5/F定6/F, 係全層賣BB衫、玩具, 同埋機動遊戲舖, 好適合帶小朋友來玩!



Matthew訓了, 我地先去食lunch, 好唔想來台灣食香港有分店的博勝殿, 不過其他食肆選擇實在唔吸引 (主要原因係台灣人好鍾意日食... 所以好多日本料理店!), 所以都屈服了...

最特別係有兒童餐, 而且都幾豐富吸引喎~~~ 雖然唔係全部o岩BB食, 不過都點了一份


另外再加一份大人的至尊套餐, 內容超級豐富, 我同老公share黎食都夠
由於依度椰菜絲、白飯係任添的, share餐要收NT$100共餐費, 但就多左湯同甜品, 都OK抵啦!


先來磨芝麻, Matthew仔的兒童餐都有一份, 佢都努力嘗試磨埋一份呢!



個至尊套餐首先有小吃的炸豆腐 (亦可揀其他), 成品皮薄, 而且唔係好油, 我地留起中芯部份俾Matthew仔送飯食了好多呢~~



餐的炸物非常豐富, 包括明太子紫菜吉列雞卷、芝士煙肉豬柳卷 (好味丫), 以及75g的吉列豬扒~ 話哂係吉列專門店, 成品真係香脆鬆化又唔油, 比起夜市的炸物o岩食太多!

仲可以加NT$120要媽媽飛弗的炸蠔, 又加了! 所以今次來台冇食蚵仔煎, 但有珍寶蠔食, 仲滿足! 



Matthew仔的兒童餐中, 其實俾佢享用的只有果汁 (係純橙汁), 同埋珍珠白飯, 炸物同咖哩統統收歸爸媽的肚子!

淨食白飯咪好慘? 唔會, 靚的珍珠米飯其實單食都好好味, 我地又會撈豆腐同Matthew好愛的蜜豆 (前菜俾了好大一兜, 忘了影添), BB食得好開心呀, 仲要添飯呢~~


最開心係飯後大家都有甜品, 綠茶個款好好味丫, 士多啤梨就差D, 不過Matthew都好like!

甜品仲可以揀紅豆湯, 中間仲有小丸子, 食完好飽足呀~~ 埋單都唔駛NT$1000, 真抵!



相比本土較油較膩的台灣菜, 都好難日本餐廳o係高雄落地開花~ 成條街都係日本野!

食飽飽, Matthew仔又有精神了, 我地又同佢去返兒童層慢慢玩~~~


其實我地無俾過$$$去換幣, 但Matthew到處睇下、摸下, 已經好開心了!




電玩館隔離又有一間動物館, Matthew仔又搵到好多friends啦~~~


超搞笑的肉緊樣!!!! 



不過全日玩得最耐, 都係依個源自日本, 每位小朋友收費NT$250的遊戲愛樂園 Yu Kids Island~~



只係門口的移動波波已經萬分吸引啦!!



依度假日可以NT$250連一位家長入場, 玩2小時, 平日仲可以無限玩添! 比日本平多了~~~
不過Matthew仲咁細, 其實極其量玩一粒鐘, 已經係極限啦!
 
 
  
上次o係神戶係媽媽陪玩, 今次到爸爸陪玩, 媽媽可以乘機出去買下BB野, 都有少量收穫架
 

根據爸爸的講法, 同好動Matthew玩一粒鐘, 仲累過朝早去Gym room健身同游水, 好多好多丫!


不過好難得同BB玩得咁開心, 仲影到好多珍貴的片段! (其實有好多video, 遲d整理下再upload)












玩到4點幾, 大家都好累啦! 離要返酒店拎行李再搭車去機場時間唔多, 最後去了Cold Stone食雪糕

依間夢時代的分店環境好正呀~~~


是日有買一送一大優惠, 雖然waffle要另外收費, 但加埋都係NT$330超抵食呀!!  仲好好味~~


之後搭的士返酒店拎埋行李, 5點出發去搭捷運, 5:25PM就抵達高雄機場啦! 超方便~~~


原來高雄機場有Combi車借用, 都幾好喎, 如果唔係Matthew沉沉睡了, 都好想俾佢試坐呢~~



雖然又係好早抵達機場, 不過今次無得早飛, 反而delay了大半個鐘, 7:25pm變成8:00pm起飛...



好在候機室都算多野睇, 既有小小kids corner (又係訓了冇玩)、迷你藝術館, 文化藝館, 仲有書任睇~~ 台灣真係比起香港有文化氣息好多呀!



就係咁, 返到香港已經9點幾... 入埋境+拎埋行李+處理埋BB車問題 (我地個太陽擋彎+鬆左呀... 港龍答應會安排返Chicco原廠維修), 再等埋車返到屋企11點幾了.. 散哂~~ 

未知下一次旅行散心係幾時, 不過七月重慶太婆80大壽, 一家四口可能會最後一次外遊, hehe!

** 想得知最新飲食情報,可追蹤 甜魔媽媽;欲得知甜魔一家消息,就追蹤 Matthew and Chloe 吧~~

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~