跳至主要內容

丼丼屋 ~ 清新消暑親子食堂

LIS Cafe驚艷的Tasting, 之後一家四口又出發到樂富, 參加丼丼屋食​堂的新品試食會!! 



當日其實很失策, 一來遲到不在話下 (真不好意思~~ 然而大家仲係咁nice, 多謝! ), 二來竟然大意漏下相機在LIS, 好在同行的杏仁可借出相機應急咋, 真係出外靠朋友丫~~~



當日天氣非常酷熱, 所以坐下後我與老公都急急先來杯富士蘋果茶 ($35)! 這款飲品是由蘋果汁混合英式紅茶, 十分清新消暑, 飲落超解渴兼涼透心, 好正呢~~ 


其實經過上場long lunch, 好動豬已經眼訓啦.. 但仍然乜都要試~~
媽媽超喜歡這杯果茶, 不過Matthew大概未接受到茶味, 反對蘋果片興趣更大呢! 


之後有一連串前菜小吃, 先是松葉蟹肉沙律 ($58), 松葉蟹爪下棒肉啖啖肉鮮美非常, 襯以新鮮日本水菜、洋蔥及蘿蔔苗及和風沙律汁, 消暑清新, 加上蟹籽更是爽脆可口, 好味道! 


之後到鐵板黑椒腸餅伴薯角 ($38), 我鍾意腸餅夠脆口, 不過味道稍有點咸, 好在店方聰明襯以蜜糖芥末, 配搭十分滋味; 要講成品份量唔少, 再連同香脆帶皮薯角, 以此價位真係超抵食!!


新品仲包括吉列和牛漢堡 ($78), 除了有得睇有得食, 仲有得磨得有玩!!


Matthew真係好叻仔, 繼早前的日本、台灣之旅後, 學識了磨芝麻, 當日佢決定要幫我地手磨, 媽媽想扶下幫下佢都唔要呢~~~ 


亦要一讚吉列和牛外層炸得金黃且香脆鬆化, 而中間和牛味好香且嫩, 最重要係肉汁仍然緊鎖保留, 如非太飽我會encore多件架! 

鐵板帆立貝伴牛油粟米 ($38), 帆立具都好大隻而且鮮味, 而粟米仲好吸引Matthew添!



但要留意粟米其實有加黑椒同紫菜碎, 為食豬食多幾啖後, 臉上就多了銷魂墨!! 


仲要特登擺埋pose, 真係笑C人啦~~~~  


然後開始主食部分, 亦係媽媽超欣賞的環節, 先是特上盛大蝦海鮮丼 ($128), 特別用上矜貴特大赤蝦、日本帆立貝、吞拿魚、三文魚、三文魚籽及紫菜, 內容超豐盛滿足, 而且每一款食材都超級鮮甜, 質素超班, 再襯以軟熟迷人的新潟靚米, 真係太太太好吃啦!! 


Matthew無得食魚生, 但淨食白米飯都好開心滿足, 之後仲主動拎埋好朋友---檸檬~~


又黎high過!!! 搞笑豬吸引了全場的目光呢~~~~ 



之後又有滑蛋吉列廣島蠔丼 ($83), 丼丼屋的滑蛋飯不嬲超有水準, 依家有埋香脆肥美鮮嫩juicy的廣島蠔 (我一向麻麻食生蠔但熱愛炸蠔!!), 更加中哂我胃口, 超級鍾意呀~~~ 


Matthew仔都分到一小碗滑蛋飯自己慢慢食, 唔知點解仲食到跌哂膊超sexy呢 

已經好飽了, 但仲未完... 壽喜牛肉湯烏冬 ($80) 由肩胛三角肥牛片、稻庭烏冬、炸豆腐、乾葛絲、甘筍、冬菇組成, 內容又係好豐富, 再度挑戰一家四口的胃納極限~~


烏冬實在幼滑又煙韌, 口感超好, 雖然極飽都忍唔住食左好多啖! 透明的葛絲又係好有口感, 都鍾意~~


Matthew仔都係烏冬粉絲, 當日仲即席表演拉烏冬添~~~ 


拉完一輪自己食返....... 仲食到一D儀態都無, 依隻豬仔真係太太太搞笑了!!!




甜品先有宇時金時奶凍 ($28)~ 成品以香滑北海道3.6牛乳製成, 味道非常香滑之餘質感仲好幼滑, 一上檯即「動L」不已; 更動人是清幽迷人的綠茶醬汁, 襯以香甜紅豆蓉, 配搭完美! 


另一款是和風紅豆什果伴雪糕 ($35), 由香滑濃郁雲呢拿雪糕、紅豆蓉、綠茶白玉子、紅豆羊羹、椰果及桃肉組成, 繽紛又豐富, 是個既清新又甜美的滿足結尾!! 


還不夠嗎? 最後整多杯Oreo曲奇朱古力沙冰 ($33), 是由北海道3.6牛乳炮製, 味道特別濃郁香甜, 再舖上Oreo曲奇碎, 是朱古力餅迷的不二消暑之選!! 


吃得好飽好飽啊, 活動也差不多結束了... 但小小PR Matthew繼續出動, 引到其他bloggers姐姐好開心, 仲主動分享熊仔同佢玩添~~~






丼丼屋真係一個好味抵食且適合帶小朋友的地方, 今次推出的新品又咁出色, 遲D一定再度幫襯!

最後, 特別嗚謝店員及公關們非常友善, 完全沒介意Matthew亂丟餐具、整污糟地方, 仲好nice同佢傾計玩樂, 搞到貪玩豬如沐春風, 最後臨走要同每個人都goodbye kiss添! 

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~