跳至主要內容

阿一海景飯店 ~ 超值米芝運2星lunch (附: 大量趣怪Matthew相!!) (Yahoo copy版)

除了好味道 (當然有埋靚環境+良好服就更理想), 其實精明媽媽搵食另一大標準係抵食! 
所以早前見到米芝蓮二星的阿一海景飯店在做4人或以上七五折優惠, 細閱後發覺優惠不止75折, 馬上同老友叉叉及Dora約定7月生日飯在此舉行, yeah~~~

  
再次到訪國際廣場29樓, 仲記得2年前媽媽陀住Matthew時曾到訪同集團的Sorriso, 今次就係陀住妹妹, 帶住21個月零一個星期的Matthew到訪阿一海景飯店... 時間過得真快!  


 


一早訂了四大一小, 飯前媽媽尚有秘密任務在身, 遲了10分鐘抵達; 到場時Matthew仔已經好興奮了~~



點解Matthew咀仔紅紅, 個樣又有D落莫? 原來為食豬忍不住食了前菜的紅色子薑, 好辣丫 



不過有契媽叉叉又氹又鍚, 好快就無事啦~~~ (photo by 爸B)
 


仲要好high!! (photo by 爸B)


小朋友至鍾意玩手機, 雖然多玩無益, 不過為了可以食餐安樂茶飯, 出街時都有需要架 
  

冇錯個環境係有少少背光, 但點解相比之下, 我影個張會暗咁多架??



唉, 真係開始唔多滿意自己部Nikon 1, 又或者係老公的大機相真係太靚啦, 冇執相已經靚到暈~~

點了每位原價$288, 折後$216位的套餐, 先有太白醉香雞, 酒香醉人雞件又滑, 超正 



非常簡單的西班牙火腿, 但由於優質又切得薄身, 簡單得來已經好好味! 



菠蘿焗叉燒包又係美味之選, 除了酥皮香甜又脆口吸引, 中間的餡芯都好吸引! 





錦鹵雲吞係稍為冇咁突出的一味, 但其實成品都香脆得來一點不油, 唔差的



接著係媽媽忍不住幫手tune了色的一哥鮑魚酥, 味道同賣相一樣無得彈丫~~~ 



筍尖鮮蝦餃也得到老公激烈讚好, 話蝦隻既多又鮮, 不過我就認為澄皮可以薄身同彈牙一D~~



其實平日我唔會食燒賣, 不過依度的蟹子燒賣的確鮮美好吃, 唔會啖啖肉好鬼膩, 所以接受到



套餐包括有滋補湯水呢, 真係好! 這杞子百合鳳爪燉螺頭相當夠火候又足料, 唔錯的~~~



脆皮樟茶鴨更加係極品, 皮香脆肉嫩又多汁, 好好味!! 



仲有鮑汁灼玉蘭, 清清地好合媽媽口味, 食了超多丫~~~~



之後不知為何等了好耐才上炒飯, 期間Matthew就係咁蝦媽媽, 將手仔格硬塞俾媽媽食!! 



哎呀呀, 見到媽媽suffer, 駛唔駛咁開心呀???? 

     

仲有另一批蝦媽媽相.... Matthew豬真係好鬼衰啊~~~~~
 
 

媽媽整個越upset的樣, Matthew仔就越加happy, 咁都有架??? 
 
 

終於, 香噴噴的一哥招牌砂窩炒飯上檯啦!! 我地4個人咋喎, 份量駛唔駛咁多呀??



其實炒飯的用料、味道同口感真係一流, 水準超哂班 , 不過經過咁長時間大家已經飽啦... 加上份量實在太多太多, 最後由友人打包了一大盒帶走, 佢話返去再返炒再食都好味!  

為食又識食Matthew當日都試了幾啖炒飯, 哈哈, 真係好味到lam哂脷呢~~~~    
   
 

最後仲有古惑表情附送~~~ 依餐2星lunch真係好鬼正囉!! 
 
仲未完.... 仲有超cute的豬咀look~~~~ 
 
 
但大家又估唔估到依隻表情多多的好動豬, 其實已經超眼訓呢???
好, 甜品都上檯啦, 首先有紅豆沙湯丸, 正呀~~~~ 
 


可知中式甜品中, 媽媽最鍾意就係食湯圓了, 程度可比西式甜品的心太軟呢~~~ 


最後仲有韓國Binggrae雪糕三文治, 好似無黎拉更, 但作為飯後甜品真係好味又好正呢 



仲未完... 開餐前媽媽特地去Ladurée買了Pistachio, Rose Petal, Salted Caramel同新出Venezuela Chocolate口味的Macarons作為依餐2星lunch的Petit Fours~~ 



話說本來眼訓豬已經99%訓著, 一見到Macarons又忍不住要分享!!!



結果食左1/4個都冇, 就已經訓著了................



媽媽打開咀仔check下, Macarons都仲未融架... 超級搞笑囉!!! 



超開心滿足的2星lunch, 希望契媽兼壽星的叉叉滿意啦!!  同埋今次優惠仲係免茶免芥免加一, 最後埋單真係$216 x 4 = $864, 非常抵食, 亦有其他套餐選擇, 但推廣只做到8/31, 大家想食要快呀!

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~