跳至主要內容

連跑三場 ~ OOY + 雙妹 + 學生gatherings (Yahoo copy版)

今日繼續送上更多Matthew的靚相俾大家!! 事實上, 由於爸爸開始放暑期, 多左好多時間用大機影Matthew靚相呢~~ 
  
 

Matthew仔好快察覺有人影佢了, 算唔算好有camera sense呢? 



知道有人影自己, 不但冇縮冇盛, 反而黎個chok樣, 媽媽頂你唔順要暈了~~~ 



轉個頭又化身好動豬, 佢話要dancing喎!! 







魚眼鏡下的Matthew, 又有另一番可愛模樣~~~



無啦啦獨自陶醉~~~ 



仲有肉緊!!!!! 



Matthew仔真係幾魅力無限架, 好似上週六咁, 就有三批不同的朋友前來元朗探佢了~~

好動豬知道自己將會好忙, 預早11點就take a nap叉足電先... 訓覺樣好搞笑!!  


 
第一場係同Oli & Thomas, Ophelia & 其妹Chloe在元朗食食食, 第一站係New York Cafe & Bar
 


人多+有BB車, 雖然一早訂位, 是日一定要安排就坐室外... 起初食都OK的~~



後來卻橫風橫雨, 非常狼狽!!!!  搞到要數次移檯~~~


 
好在大家仍然對食物同飲品好滿意... 不過我都真心覺得依間野好得好抵食~~ 好歡迎大家再來的!


餐後的凍朱與摩卡時間, 食飽粥仔的Matthew都話要share一份喎~~~



為食豬非常之鍾意, 飲到唔肯停口架..............




 
之後上屋企小休一陣, 冇幾耐又去Sense Dessert Cafe食tea~~~ 



雖然食了3次都覺得麻麻, 不過依個盆栽Tiramisu ($45) 太靚, 點都要encore一份~~ 而估唔到係, 今次的mascarpone比較細滑, 而且食落有酒香, 進步左唔少喎! 

又點了下午茶的雪糕Waffle ($50), 可以揀綠茶或雲尼拿味的雪糕, 揀了綠茶味淡淡的, 不過比起唔脆的Waffle都算係吸引架啦~~~
 


Thomas同老公都係咸人, 又點了雞翼配薯條 ($40) 下午茶, 今次的雞翼比較乾呢, 不過粗身薯條就好好味, 為食豬都係咁想搶!!
 


仲點了一份蜜汁豬肋骨配薯條 ($40), 唉, 個ribs又係乾爭爭的, 都係薯條好味D


下午茶配即磨咖啡或是日檸檬梳打, 當日為熱情果檸檬梳打, 都唔錯丫~~
 


其實成餐最有水準, 係綠茶心太軟 ($55), 成品雖然不及早幾日的The Green Lounge流心, 不過味道都幾甘濃唔差架~~ 





可惜仲未食到佢的特色甜品----腸蛋飯... 下次再去食!!  餐後同Matthew去睇貓貓~~ 


好動豬非常之high!! 



時間差不多, 送別OTOC後 (下次再約再食!!), 老公又有另一班學生來探訪Matthew!! 至於媽媽去恤髮後, 又要接明星仔落樓, 同玉仔姨姨+Chocolate Muimui雙妹食飯, 原來佢地係中同! 



去了Chef Stage Cafe開餐, 先來的麵包碟唔錯, 大食媽媽同大食muimui食了兩碟~~

依度晚餐由$108-$198, 亦可在a la carte menu上加$30轉成set, set的話就有廚師精選沙律/廚師推介餐湯 + 飲品, 依個係玉仔的廚師精選沙律, 味道OK~~


媽媽同Muimui都決定加$8升級為黑松露牛肝菌蘑菇湯, 其實唔係好覺黑松露, 菌味就幾香~~
 


主菜都上場啦, 是晚點了兩份晚餐, 一份散點, 加$30轉成set, 全部食物大家一齊分享!  



首先是散點的Penne Carbonara ($78), 味道OK口感都唔差, 為食Matthew雖然一早餵飽哂粥, 都係咁搶penne食, 估計至少食了十條之多... 



接著是晚餐的板燒美國極黑豬扒伴雜胡椒粒汁 ($168), 我覺得好抵食, 因為件豬勁大件, 厚身得來唔會好熟, 食落都有幾豐富的肉汁, 唔錯! 配菜有粗薯、薯蓉同焗薯揀, 要了薯蓉都幾滑! 



最後係晚餐的板燒穀飼澳洲肉眼牛扒伴薯菜 ($198), 要了medium做到要求, 肉質幾嫩肉味都OK, 淨食都好味, 配上牛肝菌汁更加濃郁; 而且Steak cut的粗薯條都相當香口好味! 


晚餐的飲品可揀凍朱古力, 媽媽同muimui又揀埋一樣的野啦, 仲要一齊要求少少少冰 (大家都係甜魔, 口味點都夾D), 不過要講中午的NYCB的凍朱其實好飲D呀!! 


是晚玉仔要了凍熱情果檸檬梳打 (+$8), 都係此店的推介來的~~~



惠顧晚餐可以加$18享用每日星級甜品, 是晚為朱古力慕絲, 味道都OK啦~~~



而且o係元朗食野最抵係價錢, 由於媽媽有9折卡, 依餐折後都係$46X咋, 真抵~~ 下次再食過!

之後Matthew又要上樓繼續social啦, 不過批相o係爸爸大機度, 等佢執起後再同大家分享啦~~ 

留言

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~