跳至主要內容

七一食食食 ~ Pret + Godiva + Three on Canton (上)

見到身邊的朋友七一紛紛出去遊行, 覺得好佩服; 當日媽媽只係出去食食食咋~~  
唯有安慰自己, 當日天氣不穩, 自己湊住一件又陀住一件, 只在心中支持就算啦!



當日的行程以食食食開始, 亦係以食食食為結束, 首先第一站去了 Pret A Manger , 試埋另外一D新款夏日菜式, 一來方便出食評交功課, 二來都係食清D打底, 因為下就book了食buffet!


沙律同乳酪都係我的好朋友... 因為大肚婆真係好易去唔到廁所, 除了紅醋都好靠佢地幫手架!



之後又去Godiva食朱古力軟雪糕, 上次Matthew訓左錯過左, 今次要俾佢補中啦!



依家通常有咩好野, 都係入妹妹數---「Matthew, 依杯軟雪糕係妹妹請你食架!」 



為食豬咁識食, 馬上露出yummy face了~~~~ 

仲要古靈精怪樣添~~~~ 


 
唔駛10分鐘, Matthew已由一個青靚白淨小生變成類似「鬚根阿叔」的物體! 
 


媽媽今次影左video, 俾大家睇下依個「鬚根阿叔」有幾狼----- 又「un」車又喪流口水, 最搞笑係有得食時, 又變成一個super sweet baby, 哈哈哈~~ 
   
 
黎個投票丫, 同早前一段o係屋企自私食HD綠茶雪糕的片段相比, 大家鍾意邊段片多D??  
 
 
而且Matthew唔止要食, 仲一定要自己揸住黎食, 食相只可以用「慘不忍睹」來形容....
 


 


打完底+食完雪糕, 一家三口又搭船過尖沙咀, 訂埋蛋糕後就準備下一場buffet了~~~



個時天氣都仲OK架, 係多D雲... 不過轉眼間就開始落雨了~~~~



去了靚靚餅店訂蛋糕, 為食豬好似好多款cake都勁有興趣想食喎!! 



不過唔好啦, 我們跟住場Tea buffet係前所未有咁豐盛呢! 

位於海港城Gateway酒店3樓的Three on Canton, 午餐收費$268, 下午茶收費$248, 除了時段唔同, 食物內容係完全一樣的, 陣容超級豐盛, 不過時間相對短D, 由3:15--5:00pm~~ 


店內樓底唔算好高, 但環境夠型格新穎, 坐得幾舒服架~~~



食Tea buffet的好處係唔會影響到Matthew的兩頓正餐, 而且通常經過午睡, 為食豬會更加精神!  當日Matthew一坐底, 都仲未有野食, 已經好興奮咁把玩餐具啦~~~ 


好啦, 等媽媽帶大家睇下tea buffet的強勁陣容啦! 先係沙律吧, 全部我冇食, 因有太多其他選擇! 



 




其實老公都拎了一D莎樂美腸, 以及菠蘿粒返去食o既, 不過我就冇試啦!
 


非常受歡迎的日式刺生壽司吧, 有soba、冷麵、壽司、沙律、刺身任拎任食架~~~


 
早到的客人包括我地, 其實未夠鐘已經可以入座, 坐底時侍者會講明3:15pm先正式開始, 但好多人唔理三七廿十一係咁拎.... 香港人!! 其實我覺得有D醜架....  


是日爸B發現了Matthew原來好愛食軍艦壽司, 應該即係紫菜粉絲, good! 



媽媽就大愛依個沙律啦!! 


另一個好快攻陷的熱點就係海鮮吧~~ 冇錯, tea buffet都有海鮮吧, 都咪話唔豪華!!   

不過全部我都冇食了, 其他尚有太多其他選擇!!!
 




更多的冷盤及特色小食, 當中好多野食都好o岩我同Matthew胃口呀!!


 
Yeah, 大愛依度的芝士!! 品種選擇繁多, 我全部都有試少少, 大部分都係水準之上, 好味架~~ 



而且芝士的配料都好豐富添~~~


自從MoMo Cafe開始, 就好鍾意即叫即煮的pasta corner, 原來依度都有架!




 
仲有當日我發神經好鬼想食的咖哩豬皮魚蛋~~ 豬皮唔健康忍住了冇食, 但食到魚蛋好滿足丫! 



同樣都有即叫即煮車仔麵檔~~ 見到靚菜份上, 都想食架, 可惜真係冇quota了~~~





另一邊仲有日式關東煮! 我麻麻食, 不過內容幾適合Matthew喎, 第一時間拎左隻蛋俾佢~~~ 



依個鼓油炆豬手就係我o既飛弗啦~~~ 正正正!!  另一邊仲有湯, 不過我都係冇飲了!
 


Yahoo blog有限制, 最後貼多張為食Matthew專心努力食蛋的照片啦!



至於其他更多的熱盤 (真係好多!!) 同埋甜品 (都好豐富!!) 就要留待下文分享了~~~ 

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~