跳至主要內容

德國Silit廚具 ~ 星級烹飪示範 by Stephan Zoisl

FHY最近與廚房挺有緣, 上週二又出席了德國專業廚具品牌Silit的烹調示範, 再次大開眼界! 
 


活動地點位於大角咀深旺道嘉運大廈北座7/F的Bosch Cooking Studio, 環境同設備都好一流架! 


  



當日的煮角---Stephan Zoisl實在大有來頭, 他曾於英國米芝蓮3星餐廳The Fat Duck (2010世界第二最佳餐廳) 工作, 2012年在位於芝加哥的米芝蓮3星餐廳Alinea工作, 今年更在新加坡成立烹飪工作室! 事實上, 可以品嚐他的菜式, 正是吸引媽媽到訪的重要原因之一! 




至於Silit廚具, 當日都係首次接觸, 但一見面就被其鮮艷色彩吸引了!  後來得知, 原來品牌由1920年就成立了, 一直以最先進的生產技術、不斷創新的產品設計及「德國製造」高品質成為全球高端廚具的引領者~~ 特別一提Silit產品所選用的獨家Silagran® 物料, 屬於一種堅硬陶瓷, 表面細致光滑, 不但不含鎳金屬, 更能抗菌抑菌, 導熱快且有效保持食物原汁原味!    



好豐富的食材!! 當日我地就可以有幸欣賞Stephan使用Silit廚具, 烹飪出四道菜美膳, 真係好期待~~


Silit實力再雄厚, 在香港始終是個新品牌, 當日由代表致辭並簡單介紹後, 就開始烹飪示範啦!!


當日第一道菜係DOUBLE BOILED OXTAIL SOUP 牛尾清湯~~~



材料包括牛尾、甘筍、洋蔥、蘑菇、芹菜、香草等, 另外再加蒜同黑椒調味~~
 


煲湯火候同時間一向成正比, 但當日Stephan選用了Silit 廚具中其中一皇牌 Pressure Cooker (壓力鍋) 來煮, 烹調時間足足減少一半, 慳時之餘, 亦可慳電慳, 營養流失仲減到最低添!



除了煲湯時間快, 做到saving效果, Silit的pressure cooker的安全鎖設計又係好正, 壓力未釋放前用極力都打唔開個煲架! 所以一定唔會出現飛甩煲蓋的情況~~


完成後梗係急不及待試味啦! 個牛尾湯真係好清, 各種蔬菜甜味非常突出, 相當富夏日清爽氣息!



之後又到第二道菜式----FOIE GRAS ANGLAISE, 亦係當日媽媽最喜愛的一款菜!! 



Anglaise是法文的cream之意, 所以成品是似cream更似custard的鵝肝蓉, 材料包括鴨肉清湯 (或雞湯) 200ml, 忌廉 300g, 牛奶 150g, 干邑 5ml, 當然少不了主角鵝肝 250g~~



使用Silit的高速煲, 好快整兜mixture就會均勻熱透, 待成品收水50%左右, 就可以用mixer將所有材料仔細打勻成慕絲狀! 唔知係Stephen太勁, 定Silit好用, 睇示範真係好鬼快又容易呢!





等到mixture稍為凍返些少, 就可以倒進預先加了半熟鵪鶉蛋及銀杏的容器中~~



最後再加上香味濃郁的parmesan cheese調味, 就大功告成啦!!  


Stephen好好心提醒我, 鵪鶉蛋係半熟架咋, 但為食的大肚媽媽邊忍到口丫, 美味之下食左先算lu~~ 


之後又到第三道菜----TEA & SPICES INFUSED TIGER PRAWNS的示範了~~



今次會用上Silit E-Compact Roasting Pan來煮製虎蝦, 這Pan擁有超多功能, 既可當作蒸爐外, 又可以入焗爐同當作炸鑊, 仲附有溫度計, 非常專業又便利! Stephan 先在冷水中放入茉莉花茶、香茅、南姜及八角, 當溫度計顯示合適的溫度, 就可以放蝦上Pan的第二層蒸! 
 


等待同時, Stephen利用埋個小小空檔來製作墨魚汁意大利飯~~



Silit的煲傳熱快, 真係好快就可以生米煮成半熟飯了, 哈哈~~


加了白酒煮收一半, 再倒進魚湯後, 就可以加上壓力煲蓋, 再煮約8分鐘就可以開蓋!



然後將成品加Parmesan cheese, 香草, 以及重點所在的墨魚汁 (只需很少量), 全部mix好就搞掂了!
 


此刻再將以茶香蒸熟的虎蝦撈起, 放置在意大利飯之上, 再加上saffron調味即告完成! 



成品超靚超吸引啊!!   


不過得素素的提醒, saffron對於大肚婆並唔安全, 所以是日只試了細細啖risotto部份咋~~~ 
 


好快來到最後一道菜----CHICKEN STROGANOFF的示範~~~



Stroganoff即是加蘑菇及忌廉去炒, 所以今次選用Silit的炒鑊; 材料則包括雞胸肉、菠菜、蘑菇、忌廉、洋蔥等, 再加點Brandy提香, 而在高溫炒時就選用葡萄籽油, 好快又告完成!
 


成品簡單得來健康而營養均衡豐富, 非常適合孕媽媽胃口呢~~~



睇完今次示範, 發覺有套好的廚具, 落廚真係快捷、方便仲開心好多! 其實由依家開始, Silit廚具已於SOGO, Citysuper同KAI shop (沙田home square) 發售, 仲有套裝優惠呢! 



還有更多Silit的資訊, 可見 www.silit.com ~~~~ 

** 想收到兩小兄妹的最新消息,可以like一下Matthew and Chloe fanpage哦~~

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~