FHY澳門美食行 ~ 住在新葡京

過去的週日一,甜魔媽媽帶著Chloe妹妹,與FHY組織應新葡京有關方面邀請,來了一趟超豐富的美食遊!! 首先,真的多謝新葡京的邀請,以及CEO的行程安排;而今晚,媽媽會率先分享住宿及早餐的安排~~

FHY又遊澳啦!!
當日,我們於上環信德中心,乘坐11:30AM的Turbojet抵澳,之後由酒店專車接送至新葡京酒店。說起來,對上多次遊澳都是住在路氹,這回終於回到澳門半島,又另有一番新感受呢!

多謝有關方面的交通安排,很舒適~~~
 
華麗的新葡京酒店大堂
可知新葡京更是全澳最高的建築物之一,整棟酒店無論是外觀還是裡面的裝修,均是富麗堂煌;是次FHY各別安排了一間豪華客房 (CEO與文迪當然住一間啦!),真的可謂住得舒適!


我們住的是非吸煙樓層,房間豪華舒適得來非常光潔企理,而且細看之下還有不少貼心安排呢!!!


嘩一聲的靚房!!!
其實單是這張King Size大床,就足夠甜魔一家四口一起就寢了;然後酒店還細心安排了一張靚靚粉色BB床給Chloe妹妹,甜魔媽媽可以獨霸大床,好寫意呢~~ 另外,我們發覺酒店很細心,趁我們晚餐時換上了加厚的被單,就算開大冷氣也不會著涼了!

媽媽獨佔King size大床
妹妹就睡這可愛粉色小床
也看看房間其他角落,這裡設有免費wifi/連線上網,加上偌大的書檯,很方便開機工作呢! 雖然,甜魔媽媽最後不敵睡魔的召喚,很早就睡了........ 而擺放行李的位國,以及衣櫃都很豪華而且裝備齊全。

帶了notebook來,不過因為大床太舒適,最後沒有開工 :P
擺放行季的位置
衣櫃一覽,浴袍還有分男女的呢!
其實甜魔媽媽很注重洗手間的,而這裡的洗手間真的非常值得一讚,因為除了設有兩部電視 (說起電視,酒店內的video也是任看的!),又設有Jacuzzi及蒸氣花曬沖浴房,太齊全了!!

很喜歡這裡的洗手間
第一部電視,另外沖浴洗髮及護膚用品是Hermes!
另一部電視
Jacuzzi,如果妹妹不在,一定會來趟浸浴!!
還細心備有浴鹽
蒸氣花曬沖浴房,裡面更設水力強勁的雨淋式花曬,超正!
對了,除了供應免費支裝水,這裡的Mini bar的飲品可免費供住客享用,非常大方呢,甜魔媽媽也不客氣享用了有氣水及蘋果汁了~~~


免費享用的mini bar
不過這裡最令甜魔媽媽impress的,還是它的燈光及自動窗廉開關按鈕;前者可以調較由早晨、中午、黃昏、夜晚四種燈光組合,各可以再細調光暗,要睡時也可以按一個鍵就燈光全關了。至於自動窗廉開關按鈕,只需簡單按一下鍵,就可以打開或關上紗窗/厚廉,非常方便!

很喜歡這燈光組合按鈕
很方便的自動窗廉開關按鈕
最後房內備有朱古力茶點,很甜蜜!!
介紹完房間,也看看Chloe妹妹在粉色小床的照片吧! 妹妹豬真的睡得很甜哦~~~
 
甜睡妹豬

咦,有人醒了~~~ 還難得地擺了超多表情及pose呢!! 也post上來與大家分享吧~~~

Chloe: 瞓醒啦,有住靚房心情大好,等我擺下pose先!!



單眼微笑的Chloe妹妹









除了房間超正,新葡京的餐飲選擇更是多得誇張,當中不乏星級食肆,如三星的天巢法國餐廳、二星的8餐廳、南意大利米芝蓮星級餐廳最高評價的Don Alfonso 1890、創新扒房The Kitchen、冠絕全亞洲的自助山、米芝蓮推介的粥麵莊水晶廊日夜咖啡室蓮花廊咖啡室,種類之多及陣容之強盛,可謂冠絕全澳! FHY這次澳門美食行,就會品嚐8餐廳,隔壁葡京酒店的葡國餐廳,以及另一姊妹古堡酒店的La Paloma~~ 接下來幾天,甜魔媽媽會逐一介紹!
   
今篇也簡單介紹一下FHY翌日在日夜咖啡室的早餐,稱得上是日夜咖啡室,這裡真是24小時營業的,而早餐 (散點非自助) 也供應至11點,非常適合貪睡的甜魔媽媽!

24小時營業的日夜咖啡室
媽媽的partners們沒那麼貪睡,雖然前一晚還去了宵夜,翌朝媽媽抵達咖啡室時,他們已點了一檯都是食物了!! 原來這裡有三款早餐選擇:最豐富是美式早餐 (MOP150),最簡單是歐陸式早餐 (MOP85),最飽肚則是中式早餐 (MOP82)。當日劉總及文迪點了中式早餐,內容包括點心籃、自選粥品 (一大鍋的上!) 配油條、豉油皇銀芽菜炒麵,及中國茗茶或豆漿,絕對夠兩個人吃呢!
 

甜魔媽媽與CEO就要了美式早餐,內容也真夠豐富,包括自選鮮榨果汁 (橙/蘋果/甘筍/西柚/西瓜/蜜瓜)、鮮果併盤、自選穀麥 (麥皮/麥麵條/玉米片/脆米/乾瑞士營養麥片)、自選雙蛋配香腸/煙肉伴香炸薯餅、多士配牛油及果醬,最後還有咖啡或茶!


媽媽先吃鮮果,有火龍果、西瓜、鮮橙、哈蜜瓜、蜜瓜及藍莓,真健康! 然後吃牛奶拌自選的乾瑞士營養麥片,原來就是museli,還伴以三款配料上檯,很豐富~~


雙蛋要了太陽蛋,伴煙肉,很可口;其實香脆的薯餅也很吸引,不過小吃一件就夠了!


見有滿吸引的車厘子果醬,結果多士也吃了三件,很飽足!!


果汁選了少見的蜜瓜汁,很清甜;至於茶就根本飲不下了~~~~


第一篇介紹寫得差不多了,最後也貼一張新葡京酒店的夜貌吧~~



新葡京酒店 Grand Lisboa Macau
地址:澳門葡京路
電話:2828 3838
網址:http://www.grandlisboa.com/

日夜咖啡室  Round-The-Clock Coffee Shop
地址:南灣葡京路新葡京酒店2樓上層
電話:8803 7766 
  
 
** 想收到兩小兄妹的最新消息,可以like一下Matthew and Chloe fanpage哦~~

27 則留言:

  1. 房間超正啊點解唔同老公&Matthew嚟呀

    回覆刪除
    回覆
    1. 老公第2日要返工冇得請假嘛, 連帶matthew都冇得去囉...我都好掛住隻豬仔呢~

      刪除
  2. 免費享用的mini bar咁好既,唔知普通客房有冇呢? ^^

    回覆刪除
    回覆
    1. 有架, 佢所有房間都係咁o既standard, really grand! ;)

      刪除
  3. 嘩,間房超正,妹妹張公主床仔又好正,難怪妹妹多多表情,好可愛啊^^

    回覆刪除
    回覆
    1. 係呀, 張公主bb床真係令人眼前一亮呀! :D

      刪除
  4. 有埋BB床,好貼心丫
    咁大間房,阿龍、Matthew有去,真係嘥左

    回覆刪除
    回覆
    1. 冇計啦, 鬼叫阿龍份工係請唔到假的....

      刪除
  5. 真係幾貼心,我仲以為澳門成日都污煙脹氣....

    回覆刪除
    回覆
    1. 依家唔同哂lu, 好靚好grand十足拉斯維加斯架

      刪除
  6. 酒店服務、設施真係 number one!
    妹妹一開眼真係靚女到不得了! 同埋又真係同哥哥好似樣 :)

    回覆刪除
    回覆
    1. 之前我對新葡京印象麻麻, 覺得有d暴發戶feel, 但住落又真係好正

      妹妹同哥哥係越來越似, 不過所有五官細d細緻d, 所以女仔好多呢~

      刪除
  7. 好正!
    妹妹擺了咁多可爱甫士,ee最like双手舉高投晒降果張!^o^

    回覆刪除
    回覆
    1. hehe, 係咪好想馬上追位小公主呢? 加油呀!!

      刪除
    2. 一仔爸已催我,但我有個schedule,我唔想bb出世撞正哥哥开学的日子!

      刪除
    3. 明白, 期待收到妳的good news ar!!! :)

      刪除
  8. 酒店真係好細心,妹妹瞓得好甜呀!!!

    回覆刪除
    回覆
    1. yes, 佢瞓得好我先可以瞓得好架嘛~~ ;)

      刪除
  9. 妹妹咁細個就有得過大海, 好勁呀!

    回覆刪除
    回覆
    1. matthew哥哥11個月過大海, 我都覺得佢勁啦, 估唔到妹妹更犀利, hehe

      刪除
    2. 其實應該話佢地既父母勁至啱! 咁細個帶佢地去遠行, 少啲精力同勇氣都唔得

      刪除
  10. 間酒店一定勁正LA, 睇妹妹表情就知 ^^

    回覆刪除
    回覆
    1. 我都估唔到新葡京住落咁舒服呢, 好正~~ :D

      刪除
  11. 間房真係好靚呀,D野又幾貼心同唔錯WO

    回覆刪除
  12. 妹好真係好多得意表情.
    Matthew仔知唔知媽媽同妹妹去左邊? 無唔開心嗎?

    回覆刪除
    回覆
    1. matthew應該冇乜唔開心, 因為同左爸爸及嫲嫲去濕地公園玩嘛~~
      不過媽媽同妹妹返到屋企時, 佢都有好開心呢!! :D

      刪除