跳至主要內容

生女會破產??

Blog友J媽媽一直強調生女會破產,不過甜魔媽媽一向自恃有精明消費眼,而且今胎Chloe妹妹正好有個超多靚衫、同是秋季出世的Jamie姐姐收衫,所以心想應該不會太差吧? 結果......

 
其實甜魔媽媽自覺仍然都算幾克制了,之不過BB女的衫何止比BB仔的衫靚上十倍啊? 迷人指數簡直是數百倍的計!! 在生了Chloe妹妹後,的確媽媽行街跌錢的次數密了超多,除了幾乎每次逛GAP / H&M / Uniqlo都有斬獲 (元旦日就最勁! 詳見《忍不住分享!! GAP折上折大收穫》),而且連平日不會染指的高級名牌店,也因為與妹妹同名,過年前很大手筆的買了頂Chloé的帽子給Chloe!


不過這頂帽子說起來就傷心,上週六才第一次戴出街,一不小心在商場內跌了不夠5分鐘,已經極速消失,媽媽抱著一絲希望,去客服報了失,當然沒有下文。相信是有人執到發覺是名牌靚貨,馬上據為己有了,唉~~ 之不過,這則消息上載到Facebook,有同事留言「都唔使太唔開心,因為我睇頂帽好快唔啱帶,又可乘機買過頂....」,突然那刻媽媽又覺得講得頗對,因為,shop BB女衫實在太爽了!! XD


事實上,最近兩次去東涌,甜魔媽媽在名店坊都有斬獲,都是Chloe妹妹的衫。雖然妹妹大得很快,給她買名牌衫好似很不化算,但另一方面其實要買一件靚料的BB衫本來就不便宜,反正BB衫沒有太多的潮流因素,在特價的名店坊去買其實是抵的! 

大家還記得這兩件衫嗎? 灰色那條裙就穿了去MM Studio拍照
忘了在那裡聽過魔鬼就在細節,BB女衫最令人萬劫不復的,並不是夠花夠爆,而是細節位夠charming,那是男仔衫所望塵莫及的! 又,其實有特價,定價都挺合理,這兩件衫再加上甜魔媽媽自已添置了一件薄外套,三折額外七折後印象中只是$500,抵吧?


除了Tommy,甜魔媽媽也去了名店坊的POLO幫妹妹買衫;在那裡買衫packing差些少,但價錢真的抵非常之多,可以買來準備給夏季穿著,hehehe~~


魔鬼在細節的另一示範\
特價後$57件!!! 馬上入了兩件
上回甜魔媽媽還連泳衣也幫Chloe妹妹買了件,是DKNY的,沒辦法,銀閃色實在太Sharp太靚了!!! 原價五百多折至二百多,加上媽媽額外揀多件衫給自己,又有額外九折,心滿意足~~~


講真,其實可以的話甜魔媽媽更想給Chloe妹妹買Bikini (之前參加maggie & flynn的活動,覺得LiloTat的比堅尼真心好靚! 但最細也是3歲size),不過現在這款看來也真不錯啦~~


另一樣也有心動的bikini @ maggie & flynn
講起maggie & flynn,甜魔媽媽趁著它有sales也忍不住開始了網購,果然落單方便、確認清晰,而且很快就送貨,包裝還十分精美,連Matthew仔也被吸引了!!


很貼心的賬單

這次甜魔媽媽是執平野,所以揀的都是特價貨,包括:shooshoos Smiley Light Flexi Rubber Soles Purple,原價三百多,折後$156,應該要到妹妹差不多一歲學步時才穿;總之喜歡它的軟身又有一定承托力,還有紫色與小花都十分的女孩子!


甜魔媽媽其實有舖頭飾癮,上回見到實物覺得挺吸引,原來特價後超便宜!! 馬上買。最頂的蝴蝶扣Ribbies Hot Pink Butterfly折後$27.3,下面的紫色小花Ribbies Allie Flower Single Hair Clip Lavender也一樣$27.3,而最左的淺粉紅絲帶扣Ribbies Small Hair Bow Pink更便宜,只需$11.7,超抵又有氣質!!


網上的leggings很靚很多款式,好不客易揀出這款BabyLegs Arm & Leg Warmers Petal Pasture,特價$46.8,打看一摸質感也很好呢! 可以再買更多的款式回來。



又給大家看看Chloe妹妹試戴新髮夾,哈哈,她似乎知道有得扮靚靚,非常合作甜絲絲的望鏡頭影相,真是想不敗家都好難了!!



其實還買了一副Zoobug Daisy Kids Sunglasses Pink / White大陽眼鏡給她,雖然貴一些,不過眼睛還是揀有品質保證的好,下次再貼給大家看看。
Zoobug - Daisy Kids Sunglasses Pink / White
當媽媽的也不能太偏心,其實這次衫反而沒給Chloe妹妹買 (下次吧,衰妹真的有超多衫了...),反而趁特價給Matthew買了幾件Appaman。這件上衣及運動褲都有折,折後都是$96,太抵啦! 都是買的3歲大小,應該今春穿著很合適。
 


其實最抵是這Appaman Tailored Vest Plaid,原價三百多,特價只$96! 雖然想不到甚麼場合可以穿著,但用料及造工都值了。其實還有一件小物品,不過是送給友人的禮物,在這裡不貼了。



生女,令媽媽重新愛上shopping,還因額外折扣、分攤運費 (maggie & flynn會收$20運費,多少件貨都一樣,所以多買抵些),除了shop BB女衫也連帶shop自己衫及Matthew衫,看來J媽媽的名言就算不是100%真,至少都有70%的道理呀! XD
  
** 想收到兩小兄妹的最新消息,可以like一下Matthew and Chloe fanpage哦~~ 

留言

  1. 我已經破產了,哈哈哈!不過買得好爽, yeah

    回覆刪除
    回覆
    1. 妳o係美國咁多選擇又仲平d, 梗係忍唔到手啦!! 又寫返篇黎俾我地羨慕下嘛~~

      刪除
  2. 嘩!妹妹D衫仔真係好靚丫

    回覆刪除
    回覆
    1. 生女真係唔同d架~~ 好在oli冇生女, 妳一定敗到超級誇張!!

      刪除
  3. 生女真係好可以扮靚靚妹妹大D仲可幫佢紮辮添呀

    回覆刪除
    回覆
    1. 係呀, 我依家日日用「念力」去「灌溉」佢d頭毛, 希望好快有得紮辮啦~~~

      刪除
  4. 妹妹的頭飾都好靚呀 >_<

    回覆刪除
  5. 帽仔就咁就無咗真係有D肉赤,不過舊既唔去,新既唔嚟,又有(藉口)需要再買過啦!;)

    回覆刪除
    回覆
    1. 我好鍾意依個藉口呀!! 已經急不及待想快d weekend啦!!! XD

      刪除
  6. 生女點會唔敗家, HAHA! 我生個仔都敗到雞毛鴨血, HAHA~

    回覆刪除
    回覆
    1. 蘋果媽媽又係過份D, 如果妳生左女點算????

      刪除
    2. 所以...我好慶幸生左個仔 ^^

      刪除
  7. BB女既野真係好令令GA!請問頭飾同鞋係邊度買GA?

    回覆刪除
    回覆
    1. 係網購呀, https://maggieandflynn.com/, 真係幾靚又抵架~~

      刪除
  8. 啲女仔衫款多又靚, 好難忍手囉.
    東涌間polo真係好平呀! 耐唔耐就要去一轉

    回覆刪除
    回覆
    1. 係喎, 妳去東涌好方便, 係呀, 雖然人多d, 不過我真係都好鍾意去東涌shopping ar!!

      刪除
  9. D衫咁靚又咁抵, 點會唔忍到手呢~
    妹好D頭飾好靚吖!

    回覆刪除
    回覆
    1. 係呀, 生女真係帶俾我極大的shopping樂趣呀!!! :D

      刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~