跳至主要內容

預慶父親節 @ Ritz Carlton 103/F ~ Tosca

繼上週六同老爺+奶奶+媽咪去南島預慶父親節, 琴日又到同肚中BB爸爸, 即係老公食餐好慶祝~ 好感恩天公做美, 是日天色超靚, 影左超多靚相丫! 


為了留肚給豐富午餐, 是日早餐以生果為主, 十分清淡 ; 而到中午再次來到Ritz Carlton 103/F, 感覺真是十分興奮!! 


無論係Tosca天龍軒, 抑或The Lounge & Bar, 都要由103/F搭扶手電梯落返一層去102/F~



本來落去向左轉就係Tosca, 但因早到關係餐廳未ready, 就安排我地先在The Lounge & Bar坐下先~~

 

咁都好丫, 可以慢慢影下The Lounge & Bar的靚景! 

  

場內超正的面海soft位~~~ 


是日早上雖有驟雨, 來到中午卻是天晴, 好感恩好開心!


這裡的海景係對正中環, 同Tosca略有不同架 


夠鐘入座, 由侍者帶領下, 穿過華麗的通道前往Tosca中!! 


是日被安排就坐餐廳中間位置, 超正!! 


是日的超卓海景位~~ 


就在我地檯對出, 就係一望無際的高層絕美海景!! 超正~~ 

  

當然都有趁靚景影多幾張大肚相啦~~ 

 

我地隔離張檯都一樣靚過人~~ 好幸福啊!! 


是日主角---BB爸爸對於環境都十分滿意! 


Tosca的午餐定價唔貴, $380--3 course, $420--4 course, 2人都揀了4 course!

    

先來麵包籃, 全部都是熱烘烘的出品, 唔錯! 
當中最鍾意是後方的naan bread, 好香好有咬口, 後來侍者仲好主動re-fill了一籃


我的頭盤---Homemade cured beef rib-eye,arrugola and mushrooms salad


薄切的肉眼香嫩有牛味, 配上美味蘑菇, 清新火箭菜及芝士片, 好睇又好味, 滿意! 


老公的頭盤---Artichoke soup with pramigiano reggiano fondue, 無獨有偶, 上月8 1/2 Otto e Mezzo BOMBANA母親節午餐, 他都揀了阿支竹湯, 相比下上次香甜些


頭盤後到兩款pasta上場, 首先是侍者推介的Homemade pumpkin tortelloni with tangerine mustard and walnut sage sauce
超欣賞佢個sauce調得芝味豐富迷人, 而軟薄外皮下包裹著的南瓜蓉亦香甜好吃, 配合起來感覺曼妙, 結果又係好滿意 


老公則揀了Mezzi paccheri with tuna, pancetta and spicy tomato sauce, 超寬通心粉好有咬感, 口味香辣惹味, 都唔錯 

   

來到肉類主菜, 我揀了Baked Mediterranean gold bream, crushed potato, eggplatn and garlic confit , 鯛魚焗得皮香肉嫩, 汁液豐富且帶鮮味, 唔錯; 底層薯泥無特別, 伴菜的茄子則微帶香甜幾可口  


老公則揀了Slow braised beef cheek with parma ham & peas, 慢煮的牛面頰超嫩超好食, 好正!!  底下配菜則無特別~


甜品最簡單, 只得兩款唔駛揀, hehe 


先試Caramel and pineapple tart with hazelnut gelato , 榛子雪糕香又滑, 好正, 不過太融了; 焦糖菠蘿批甜了些少, 但批底香脆都幾值欣賞, overall都唔差


另一款Tiramisu就又大份又好味, 超正! 
除了朱古力薄片, Tiramisu最正係面層的朱古力脆粒, 增加了口感; 底層mascarpone又夠滑, 係唔太夠酒味, 但就o岩哂現時的我呢 


餐飲要了Hot Chocolate, 比樓上Chocolate Library的招牌熱朱稍遜色, 但都唔錯, 飲時感覺幸福~ 


老公照例要了Cappuccino


最後仲有精緻的Petit fours~ 其實味道唔特別出眾, 最鍾意係尾二的朱古力軟心脆撻, 其次朱古力條都幾香濃! 不過擺得真係好靚, 二人無無聊聊都影左好耐呢 


餐廳連女洗手間都坐擁無敵海景, 又係靚絕!!

  

順便講解下我當日的造型, 點解著得咁中國風, 全因要襯餐廳個水池!! 


覺唔覺得同我條裙好match呀? 


臨走, 同老公仲有阿B黎張自拍~~ 


由於身邊食友在這裡的經歷都不盡滿意, 所以對食物的期望較低了很多, 反而因此感到幾驚喜呢! 又或者, 兩口子由2007.12.15開始, 就注定同Tosca有緣啦~~ 
其實下午仲有與daddy食飯的活動... 篇幅所限, 聽日再記錄分享啦! 

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~