跳至主要內容

Fine-dining BD lunch @ Le Jardin de Joel Robuchon

踏入生日月, 每個weekend都很充實 ; 8月首個週末, 就同食友Foxyleo, 相約到Joel Robuchon嘆餐fine-dining lunch! 
可知麵包部的Le Salon幫襯得多, 今次終可上樓一賭真正的米芝蓮二星風采喇!


在侍者帶領下, 先經過L'Atelier de Joel Robuchon~
紅色的吧檯超有格調, 型到暈!!! 不過唔太o岩大肚婆我肚呢~~~

  
所以這天book了較貴, 但坐得舒服好多的Le Jardin de Joel Robuchon
Le Jardin的地方唔算大, 但就好清雅充滿貴氣, 環境比澳門好好多



  
餐廳外尚有露台位, 隔著大片玻璃, 可望見青翠怡人中環景色

  
是日被安排就坐餐廳內唯二的沙發位, 超正超舒服!!!
後來仲見到粱愛詩同友人, 坐了在對面的沙發位呢~~~ 


當然, 收費亦相對較貴--三道菜午餐入場價由$518起, 加多個頭盤/湯就$618, 食足5道菜就$758了!!  在侍者的介紹下, 我地點了一份3-course, 一份4-course分享


正式展開午餐了, 首先上檯是牛油~~~

仲有超香超正的麵包籃!!! 
不要誤會, 麵包唔係成籃上, 而係由侍者遞俾食客揀, 之後都有得re-fill


我貪心的揀了3款---mini criossant, cheese & herb rustique, ham & cheese bread stick
全部都熱暖鬆化充滿牛油香, 好食到癩!!  


然後有精緻的amuse bouche, 是牛油果+蕃茄打成的啫喱軟膏~


食感是無比的軟滑細膩, 而且蕃茄味極鮮又濃厚, 非常清新開胃!! 


又添多個Brioche, 為的是襯托香醇美味的牛油!!


來到Appetizer, 在侍者的建議下, 我地放棄了傳統的鵝肝醬, 改試其他心思頭盤


LE SAUMON
Lightly Cookied Scottish Salmon with Chives Oil, Celery and French Mustard


當日侍者的推介, 優質香醇的橄欖油, 及香口的果仁碎, 將嫩滑的三文魚襯托得非常美味; 中間的西芹切細碎並加上特調醬汁及芥末後, 又是驚喜萬分, 令不好西芹的我也乖乖吃光! 

  
LE CRABE ROYAL
"Parisienne" Style King Crab, Tomato Jelly and Thyme
由蕃茄、牛油果及雜菜, 混和蟹肉及香草而成的一份啫喱沙律, 組合新奇特別, 而且多種雜菜味道清甜不得了, 蟹肉又是無比的鮮, 再加上香草發揮奇效, 是非常的美味難忘, 可謂是全餐之最!!! 


也點了一個湯來分享--L' AUBERGINE
Fine Eggplant Cream with Soft-Boiled Egg and Croutons


湯身較為濃杰, 帶點咖哩香氣在內; 湯中一隻半熟蛋, 撈勻拌湯一起享用, 再加上火腿絲、麵包糠、野菌等, 口味更加豐富了~~


用以分湯的小碗, 又是無比的精緻值得一讚~~ 


來到主菜環節, 由於食友唔食牛及羊, 大家決定選點一魚一肉分享, 首先是LE BLACK COD , Black Cod Fish Fillet with Grilled Mushrooms Flavoured with Bay Leave


鱈魚的肉質是無比的柔嫩又多汁, 面層並不算煎得很香脆, 但就有著一層微帶咖哩香味的薄脆在上, 口感十分特別!! 配菜的雞脾菇就超juicy了~~


令人超高興是, 每份主菜均配以一兜超香超滑的神奇Mashed Potato!!!
好味道~~~ 


另一款主菜選了豬--LA POITRINE DE PORC
Crispy Pork Belly with Artichoke Flavoured Balsamic Vineigrete with French Mustard


賣相無比吸引, 可惜豬肉吃來既乾又嚡, 食友直言好似煲湯豬肉..... 


豬肉實在難以下讌, 侍者答應換過一份主菜, 就選了LE CANARD GRAS
Pan Fried Duck Loin with Foie Gras with Cherry Nectar


鴨肝頗為香馥, 吃來柔嫩無根, 不錯; 但同檯的鴨肉則仍然頗嚡~
另外大大粒的車厘子雖然甜美, 但與中間的生澀杏仁實在不太夾呢!


不過多送一份主菜, 即代表又有多杯Mashed Potato, 真開心!!
結果我不客氣吃了兩兜呢, 超滿足~~~ 
午餐甜品選擇唔多吸引, 甜品還是選點LE CHOIX DE NOS PATISSERIES好了

  
其實一入餐廳已經留意到依架超靚的甜品車, 雖然它的陣容不及澳門店豐富, 但精緻度同吸引度卻有過之而無不及!! 


可惜甜品每人只可揀2款, 不夠澳門大方了.. anyway由於訂位時講明, 侍者將甜品排得特別靚, 再加上生日牌, 同時補慶+預慶我同食友生日!! 


補祝食友Happy birthday!! 又預祝我生日快樂!! haha~~~


影完相+吹完蠟燭後, 我唔客氣喇!!
依個mille-feuille好味到癲, 酥皮極端清脆鬆化, 而且牛油及焦糖香味兼重!! 中間香滑的custard亦一樣, 除了濃郁雲尼拿甜, 又帶點點焦糖香, 真係好美味~~ 


朱古力brownie, 口感同朱古力濃度都唔錯, 不過會被後一款比下去


朱古力開心果慕絲, 其實開心果味唔太出, 但朱古力味真係濃到暈!!! 口感又細滑動人, 再加上甜美車厘子, 又係好美味呢~~~~ 

  
芒果慕絲, 既香又甜的果肉佔了大半, 底層mousse亦清香細滑甜美, 唔錯 


好滿足的一餐, 以一杯美妙的cappuccino作結~ 又要一讚真係好好飲! 
食友揀了熱朱古力, 據講都好有水準~


最後奉上petit fours, 其中macarons質感一流, 好正宗好對辦!


就咁又食了三粒鐘, 雖然唔係全部食物都滿意, Robuchon亦取代不了Gaddi'sAmber在我心中地位, 但都係好開心寫意的一餐~ 
另外, 好搞笑是餐前餐後都在場內撞見Ivan.. 有無咁有緣呀?  餐後, 行程都好緊密下, 又要去BB展, 又要返教會參加24週年培靈會, 聽日再介紹啦!!

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~