跳至主要內容

Sunday Brunch @ King Ludwig Beerhall ~ 好想去旅行!

呻完一輪, 媽媽又回復樂天, 繼續記錄開心野 

七月真的好多朋友生日啊, 上週日為給Matthew契媽、老友叉叉慶祝生日
返教會後去了洪水橋的 King Ludwing Beerhall 食sunday brunch!


餐廳前身係賣泰菜的香辣屋, 位處效外關係, 翻新後仍然保番泰國風情, 令人好想去旅行啊!


餐廳有分室外同室內位, 大熱天時個個都揀坐室內啦! 不過冷氣有d凍呢!


 
我們被安排就坐依個corner, 環境幾特別丫, 媽媽同Matthew都好鍾意~ 



咪睇相中的Matthew坐定定, 其實佢黎到依個corner不知幾興奮, 尖叫左好耐好耐呀


睇片就最清楚了~~~ 



好啦, 出去睇下有咩食先~~
嘩, 估唔到除了麵包、肉腸、燒豬仔骨, 連大大隻豬手都係任拎任食的, 好開心喎!! 


另一邊有即製pancake、waffle同popcorn食!


即製甜品同豬手雖然吸引, 但媽媽想循序漸進, 慢慢享受依個brunch
所以先到室內湯品/麵包區拎湯飲~~



依個brunch 11:30am開始, 媽媽12點幾到頭盤區俾人掃清光呢..
不過之後會有re-fill的~~~


熱食區, 有意粉、肉類、咖哩及粉麵飯, 適合需要食飯的媽媽!


仲有自選pasta station, 揀好配料拎俾廚房, 就會即製, 都幾好喎!


甜品區都有唔少選擇, 仲有生果同媽媽冇影的雪糕添!





開餐lu!!! 媽媽先飲了忌廉湯暖暖胃, 湯的質素OK, 但麵包就實在太凍了!


第2碟係沙律+冷盤+肉類, 媽媽食得最多係三文魚, DHA營養豐富嘛!
 

這是叉叉的第一碟, 老公睇到即時雙眼放光, 問准了approval後即向豬手進攻!! 
不過新鮮燒起的豬手真係皮脆肉香, 媽媽都食到lam lam脷呢~~~
 

叉叉拎的第2碟, 媽媽也吃了其中的Cannelloni, 好味喎!


媽媽要餵Matthew食糊仔, 爸爸又代拎了大大隻豬手, 還有雞蛋似的圓腸, 啖啖肉好滋味!!


食肉獸爸爸繼續向豬手, 及更多肉類進攻; 當中麥樂雞質素平平, 燒鯖魚卻好好味呢!


吃了太多豬手, 食肉獸有點覺得太漏, 之後取了生果解滯, 這裡只是一部分
由於吃得太多荔枝, 加上夜晚吃了劉總的貓山王 (多謝!), 之後數日有人勁喉嚨痛呢!


靚女友人取來了新出芝士餅, 一試之下原來好好味喎! 媽媽係咁食~~


著爸爸勁拎燒鯖魚, 食得好滿足!!!


爸爸代大家request的意粉, 料超多, 但兩碟幾乎一樣?
據他說, 本來另一碟是Carbonara, 應該是廚房搞錯了柯打!


其實要讚意粉幾彈牙架!


媽媽也要再出去活動活動!! 拎了兩份橙酒煮班戟, 除了水果另配上雪糕, 冰火口感!




媽媽的第一round甜品, 除了朱古力噴泉麻麻地, 其餘木槺布甸、朱古力mousse同cupcake都好味喎!


估唔到大家的戰鬥力咁差, 食了個零鐘就謝哂....
媽媽覺得還有空間, 就自己再出去拎了更多甜品、waffle、炒飯、肉腸及咖哩等....
 
雖然雪糕只是牛記, 但配上熱食班戟or waffle都稱職呀!


buffet還包每位黑啤 / 汽水 / 餐茶 / 果汁, 媽媽點的橙汁未影就俾爸爸飲了一大啖!



環境舒服、食物選擇又唔錯, 媽媽本來打算坐+食到4pm架!
但見老公同友人們都好凍又食唔落更多, 去到2點幾就埋單啦

公佈價錢啦-----由11:30am至4:00pm的任食價只是$178+10%, 好抵食!
再次祝叉叉生日快樂, 禮物爭住先, 下次再送啦  同埋, 真係好想去旅行呀

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~