跳至主要內容

復活節墾丁 + 高雄之旅 DAY 2 (上)

唔好俾佢停, 繼續第2日的精彩報導啦~~~ 

話說第一日好好彩, 在Resort門口遇到得閒接載我地的司機, 第2日就包下的士周圍去, 行程超豐富!


一朝早起身, 先俾大家睇下個泳池景~~ 咦, 是日天暗喎, 後來仲有一陣驟雨添!






相比日本, 墾丁食野真係差好多.. 不過都影下個breakfast buffet俾大家參考~~


最正係個window seat對住園林景~~ 至於食物選擇就真係比泰國失色好多~~


其實佢款式都唔少的, 各式果汁、冷熱豆腐、牛奶、穀物、咖啡機應有盡有~~
  





食物方面, 甜點蛋糕、冷盤、沙律、水果、芝士、粥及配料、油炸鬼、炒麵、點心、煎蛋、腸仔、pancake、麵包、多士, 甚至部分小炒、自製擔仔麵、肉燥飯、湯米等都有供應~~
















不過如圖就唔算好吸引, 所以都係主攻生果~~



仲有較為好食的肉包、煎蛋、芝士同pancake等~~



不過間resort本身真係好適合帶BB去, 早餐後仲有D時間, 我地去了參觀Gym room~~

同時發現了有間好colorful的children playroom! Matthew仔梗係開心到癲~~~






喂! 乜有BB咁貪心, 拎住波波池的波波去sir梯梯架? 咁樣好危險喎~~



媽媽決定拎走波波~~~



即時變得好傷心!!!!! 



唔喊啦, 差不多9:30AM, 我地夠鐘出發去玩啦!! 依位就係接載我地的司機, 個樣好似鄭少秋架 


基本上我地對行程完全無意見, 任由佢拍版, 而第一站佢就帶了我地去睇石帆船~~



點睇到舊石似帆船呢? 都真係要好好想像力先得喎~~~



大人的想像力唔夠, BB可能會好D, 大家睇Matthew睇得幾入神, 可能佢真係有所發現!






之後去貝殼砂展示館~~~


台南同墾丁一帶都好多貝殼砂, 所以砂粒其實幾粗的, 完全唔似馬爾代夫的幼砂....


Close look~~~


Matthew仔乜都好奇, 乜都覺得好好好好玩!!



其實睇貝殼砂都係其次, 該處的風景好靚架! 原本係影相一流的地方, 不過可惜落雨了~~


就算係雨天, 都見到個海真係好藍好清~~~ (依D係媽媽細機相咋~~)


如果天晴, 依度應該靚爆鏡呢!!!



又去到一個景點, o係媽媽同Matthew手仔上都及個印先~~~ 


本來想順路去埋鵝鑾頸, 不過該處傾盆大雨... 司機決定改路, 先帶我地去玩西北邊~~~


去了南灣停車落客~~~ Matthew馬上俾狗狗吸引住!


Yeah, 一齊去開心玩砂lu~~~


特地為Matthew買了兩條短褲仔來旅行, 依個時間大派用場啦!!!


好動豬係咁走呀走, 媽媽好多時都影佢唔切, 所以加貼好多爸爸的大機相, 不過係冇執到的


頭大身細的Matthew仔, 睇落真係唔似歲半未夠的BB, 而似係2-3歲的kid啦!





在此也特別嗚謝杏仁去年尾的布吉手信, 非常o岩feel呀~~~ 



雖然海水有D凍凍地, 不過都試下一齊浸腳先~~~





D水黎緊啦...........



嘩~~~~~



Matthew「只係浸下腳咋? 我好想落水玩呀....」 媽媽「no la, 返到resort再游水啦~~」



Matthew「好, 咁等我發揮馬騮精本色, 係咁四圍跑先~~~」 



仲記得第一次去沙灘, Matthew仲未識行只可以爬 (見舊blog), 依家已經好hyper到處跑啦!!







同佢講要走啦, 又真係識得跑上坡... 有無咁叻呀?!




故事仲未完~~ 臨上車前, 又到一隻好靚的狗狗, 媽媽同Matthew都好開心!!



對香蕉笑眼咁一致, 講我地唔係兩母子都冇人信呀~~~~ 









真係要走啦, 本來我地係去貓鼻頭, 不過老公提出想影風力發電機, 司機又帶我地去台電廠睇睇~~


依度都有個小朋友playground喎! Matthew仔又乘機玩了好一陣~~~


入到館內, 估唔到有得睇魚魚~~ 爸爸又做左金魚佬, 哈哈哈哈!! 


時間剛好11點有場免費3D show, 我地一齊入去睇啦!!


第一次同Matthew仔睇3D立體電影呢! 不過傻豬豬初時都肯戴, 去到開場一熄燈就除左了~~~



仲有超多關於發電、電力、甚至酸雨等科學展覽, 其實真係好適合較大的小朋友來學野呢!


唔知Matthew仔吸唔吸收到0.000X%呢? 哈哈哈哈~~~~ 


個館內仲有一樣令爸媽好感興趣的, 就係地震體驗館~~~ 


雖然好大吉利是, 但繼早前的地震, 今次旅行反而一次都冇震過呀! 反而有D希罕  可惜地震體驗館開放時間有限, 由早上9:30去到11點, 之後下午一點半再開至4:30PM, 我地玩唔到啦!


仲有一個室外的Area, Matthew又搵到佢好鍾意的石仔, 係咁撞撞撞撞撞!!!

(按: Matthew不嬲好鍾意石仔, 之前去山頂都好著迷架啦, 睇舊blog )


就係咁已經好開心喇~~~ BB真係好易滿足! 



媽媽見到Matthew咁得意, 真係忍唔住啦~~~ 







之後出發去貓鼻頭, 時約12點有少少餓了, 在司機的推介下去吃了「那個魚」~~


媽媽唔係玩野, 依隻魚真係叫「那個魚」架! NT$50一份, 炸的, 都幾香口好食


爸爸又點了菠蘿, NT$50一份有少少貴, 不過真係好甜好新鮮~~~


到處影下相先~~~


都係個句, 如果陽光普照應該會靚好多好多呀!!
 




點解可以咁得閒兩公婆 (連少少妹妹啦) 合照??
 


因為Matthew仔玩左一大輪, 又係時間午睡啦~~~~


佢的睡姿仲吸引了唔少途人凝望+俾意見添.. 「這寶寶睡得好香呀!!!」 



反而o係台電唔係好清楚影到風力發電機, 不過在之後的車程中見到依個場面好靚, 即要求落車影張~~

順便講多次, 墾丁真係好大風架!! 無論大人或小朋友去都一定要帶風褸, 唔係好易吹親~~



玩到差不多一點, 真的肚餓了, 去了恆春一帶食野~~ 其實依帶真係冇乜好野食, 司機推介的竟然係日式的拉麵... 我地就問有無較地道的食店, 結果佢帶路黎依間秋香麵店~~


貢丸湯, 都唔錯的


肉燥飯少油少汁, 主要係for Matthew的~~~


皮蛋豆腐本來係媽媽的至愛, 皮蛋非常唔錯, 係個豆腐醬汁超甜 (傳統台式口味), 有少少唔慣
撇起部分醬汁後, 滑豆腐都俾Matthew撈飯食了唔少~~


同爸爸分享的麻油麵, 都幾漏下~~


仲有雲吞湯, 一般啦, 不過埋單真係好平, 咁多野食都係NT$180咋!!!


依個就係墾丁隔離的恆春, DAY 1搭大巴時都有經過見到風光, 其實相當之大陸feel~~


天氣回晴開始好熱, 我地去買台式飲品先~~~


依間茶之魔手o係墾丁、高雄都有唔少舖, 我地幫襯了一杯細的少甜少冰波霸奶綠, 只係NT$20!



Matthew仔都好想飲埋一份, 所以駛出混身解數冧+氹爸爸~~~


不過No la! 咁大粒波霸BB點識得咬同吞喎~~~~


見天氣咁好, 司機帶我地去了坐半潛艇添!!


不過由於篇幅太太太長 (下半日仲有好多好多行程), DAY 2的後半段聽日再介紹啦!! 


** 想得知最新飲食情報,可追蹤 甜魔媽媽;欲得知甜魔一家消息,就追蹤 Matthew and Chloe 吧~~

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~