跳至主要內容

MoMo Cafe ~ Matthew愛buffet!!

星期六開始PG後, 一家四口好似好耐冇出城食好野了... 

趁著Matthew歲半生日大日子, 破下例出下街先, 原目標係環境超正、最近做緊8折的agnès b. le pain grillé, 不過當晚又想探住沙田Jamie BB, 結果改去新開的萬怡酒店Momo Cafe

 

話哂都係新酒店, 裝修簡約得來光潔舒服, 下午時段有自然透光及綠油油街景, 好寫意啊~~
 
餐廳中間係類似客飯廳的design, 充滿親和力的木色以及沙發設計, 令人感覺好cozy呀~~


講個無聊小秘密大家知, 其實媽媽勁like圓形餐檯的!! 以後如果屋企裝修, 我想以依個為藍本呀 



是日一家四口都係被安排坐窗邊, Matthew仔有自己的餐椅同餐具, 好開心!!



不過由於有D背光, 依日的相大多都落了flash去影, 大家唔好見怪呀!



講完環境, 不如又依次睇下有咩野食啦!! 當日一入店就見到糖水同水果啦, 正丫!


轉角有更多的cupcakes, 原個水果, 以及精美cut cakes~~~
 
起初以為餅櫃依D都係任食, 不過原來Tea係冇的 (o係元朗上完PG, 去到沙田只食到tea buffet咋)



唔緊要, 現有的cut cakes已經好正啦, 依款最平實的brownie已經好香濃好有質素了! 
 
蘋果吉士批都唔錯, 餡料甜了些少, 但撻身超鬆化, 搞到我好想「撻」哂D脆皮黎食! 


依款栗子蛋糕好味到暈!!!  香甜鬆軟又有適當濕潤度, 搞到媽媽好想即時買個走, 帶去朋友屋企夜晚食!! 可惜萬怡酒店冇獨立餅房, 依D原個蛋糕可以訂但要預早, 問了價位$218, 都好值~~


芝士餅睇落好平凡, 但味道都好唔簡單, 好香濃而且香滑迷人, 正呀!!! 


連朱古力戚風蛋糕都好好食, 唯一最失色係芒果泡芙, 唔食唔係損失, 好彩佢細細粒! (好押韻)


仲有芒果布甸同桂花糕, 冇位試啦......


因為轉角仲有plain / 提子scone, 搽上clotted cream同rose jam好好食! 另一邊有即製waffle添



Tea buffet仲有雪糕糯米糍 (如係晚市會換上HD... 正呀!) , 以及軟雪糕~~~ 

 
偏心關係, 甜品我影得比較齊, 來到咸食難怪有D甩漏~~ 

沙律counter完全冇影, 另外仲有sandwich counter, 夜晚來應該換上cold cut / ham station吧
  依個係刺生counter, 下午茶時段完全收檔了~~ 阿姐可能好奇怪, 都冇野都照影?! 

即點即製粉麵檔, 我食唔落啦, 老公就整左碗~~~


仲有多款點心, 是日都試了些少~~


熱盤區都會因為Tea buffet而換上下午茶小食, 如春燒、薯角、魚餅等~~~
之後又影漏了另一邊的fish & chips, 個炸魚我超like架!! 


仲有即叫即煎熱狗station, 我覺得好好味架~~~


最後仲有即叫即製pasta & pizza station~~ 介紹大概係咁啦, 以下午茶來講選擇都算幾豐富!


Buffet已包每位餐茶, 想再盡興D, 亦可以加$30享用任飲果汁, 我地就冇要喇~~
 
坐下後媽媽要先安頓Matthew, 第一碟係爸爸拎返來的水果, Matthew仔好鍾意食西瓜!
 
第2碟已經係甜品... brownie同栗子蛋糕都超好食囉, 令人無限回味~~~ 




各位, Matthew仔的好味樣再現啦~~~ 


 
爸爸又拎了D壽司同三文治黎balance下味蕾~~

都係爸爸拎的, 超個熱狗, 皮脆肉香, 撈埋辣肉醬同食, 超滋味!! 勁多芝士的pizza都唔錯, 但要趁熱~


點心同燒雞翼, 我鍾意後者丫, 好juicy~~~


職員好細心, 提醒話凍檸茶好大杯, 可以一早order定慢慢飲, 老公就要了一杯~~~
 
又拎了軟雪糕一齊share, 加埋彩虹碎糖好繽紛!!


媽媽終於出去自己拎野食, 為健康食返多D菜先, 仲有蛋沙律三文治係Matthew的, 為食豬超鍾意! 鬆餅之前都講過, 撈醬就好食了, 仲有炸魚簡直係一試傾心, 之後勁食呀!! 


當食到蛋沙律, 好味樣又再現了.... 為食豬真係十級浮誇呀~~~~ 


由相機睇返自己個衰樣, 傻豬竟然忍唔住笑返自己!! 

anyway好叻仔係, Matthew今餐係自己用叉拮食為主, 而且跌得好少咋~~ 



職員見到Matthew咁得意, 忍唔住成日走黎同佢玩... 好動為食豬真係魅力無限呀~~
 
仲有更多的點心~~~


仲有老公點的即叫即製Carbonara, 圓通粉超有咬口, 味道香濃creamy, 正喎!!! 


好鍾意依度的甜品, 又出去拎多round, 結果全部都掃清, 超滿足!!


仲有好好味的炸魚, 同埋佢的好朋友薯條... 不過食完依餐之後喉痛左幾日!!


Matthew又試新野喇----雪糕糯米糍, 正呀~~~


爸爸的粉麵, 我已經食唔落啦~~~


飲了糖水來解滯.. (甜魔解滯方法係特別D~ ), 後面款蛋白杏仁茶唔錯喎~~


最後爸爸拎了兩款餅乾返黎食~~~


當中右手邊個件Biscotti, 超硬好似石頭, 不過Matthew決心將佢咬開!!
 
經過一番努力, 又真係俾佢咬到一個角!!!



超飽的一餐, 最後媽媽只要了熱檸水來解滯咋~~ 埋單$208+10%, HSBC / 恆生 / 中銀都有85折, 折後$395.2, 都算幾抵食, 當然晚市的選擇會更多更吸引! (詳見食友文迪的BLOG)



最後, 請細心睇依幅相.... 大家唔好只掛住望可愛的Matthew仔, 其實依張係爸爸影底, 俾媽媽知道原來隔離檯就係何文匯呀! 

食飽飽, Matthew又繼續發揮好動本色, 同爸爸四圍捐了~~~



閃下眼, 好動豬仲拖著父母落埋樓梯了~~~


大堂有好舒服的、媽媽姑且稱之為Hea椅, Matthew仔都黎試下先~~~


haha, 係咪好C服呢??


之後又再次爬上返樓梯... 真係無佢咁好氣~~~ 



 其實Matthew仔已經食+玩到超累了... 結果一上車離開酒店冇耐, 就沉沉睡了~~~



而爸爸媽媽由於太飽關係, 決定由石門行去沙田圍, 去友人家中參加第2場盛會!! 

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~