跳至主要內容

夏日清爽新勢力 ~ arome Bake & Drink + 真夏@果實 cake little (Yahoo copy版)



大家有沒覺得今個夏天特別熱? 還未到端午節, 行在街頭已有中暑感覺, 難怪各大食肆紛紛推出清新消暑妙方, 吸引顧客! 最近淘大商場的東海堂也變成為arome Bake & Drink, 推出消暑飲品了!



週三FHY與文迪應邀來到店內, 就親身體驗了一系列的即點即沖飲品, 感覺透心涼!!

店內Drink選擇很豐富, 共有6個系列超過廿款選擇, 先是北海道3.6牛乳抹茶系列, 當中代表作是十勝紅豆抹茶 (熱$16 / 凍$18), 除了用上北海道3.6牛乳, 還有優質十勝紅豆來沖製, 人氣之選!!

然後有炭燒咖啡系列, 當中代表作是黑糖水晶炭燒咖啡 ($18), 雖然我沒有飲, 但咖啡達人劉總對它大讚, 相信水準很高, 也馬上通知匯報同樣喜歡咖啡的老公了!! 


另外2款是北海道3.6牛乳朱古力 / 奶茶系列, 代表作是布丁奶茶 ($18), 也是文迪的選擇, 聽講都唔錯架! 除了布丁, 其他特別配料還包括十勝紅豆、黑糖水晶、寒天等, 好多變化呢!


還有沙冰系列, 代表作是Oreo曲奇沙冰 ($22), CEO後來親身試飲, 反應不錯! 公關講仲有紅豆沙冰, 又係用十勝紅豆來炮製, 聽落都覺得清涼吸引丫~~


最後係特色系列的寒天青森蘋果汁 ($18), 亦係繼十勝紅豆抹茶另一人氣之選~~



當晚所有飲品可以任點任試, 媽媽的第一杯就要了十勝紅豆抹茶 (少冰), 綠茶味果然夠濃郁, 同大粒飽滿的香甜紅豆係絕配, 加上北海道3.6牛乳特別香滑, 好暑氣全消, 超級refreshing ar! 



除了Drink, 附有獨立廚房的新店另一賣點是Bake, 原來店內有好多款新鮮自家焗出品呢!!



依批新鮮Bake items又係任試, 幾鍾意香濃的芝士包, 沖繩黑糖提子包亦好味~~
 

蜜糖芥末腸仔包亦好食架~~~
  

仲有粟米蛋沙律包, 以及綠茶紅豆忌廉賓, 後者我超欣賞其鬆軟質感, 覺得好好味!! 


不過印象最深刻的, 還是要數三色麻糬, 口感微脆得來又超煙韌, 而且綠茶、芝麻竹炭、芝士三款口味各有風味特色, 好食到馬上買包拎走, 翌日當早餐食!! 



其實定價都一D唔貴呀!! 



當晚亦有幸品嚐新鮮出爐的北海道3.6牛乳蛋白撻 ($7), 超香超迷人呀~~~~



成品真係超滑溜, 滑到好似Matthew仔的皮膚咁, 一樣好好味丫~~~ 

咁樣每款食下都有五成飽, 接著又試埋寒天青森蘋果汁, 來自青森直送的蘋果汁當然清甜好飲, 而加了低卡又纖維豐富的寒天後, 更加清爽怡人又健康, 飲完飽肚感仲去到七成添!
 
以上特色飲品暫只於淘大分店供應; 不過遲D尖沙咀天星碼頭店都會有Drink, 大家留意啦! 



但原來當晚仲有5款日本當造水果--「真夏@果實」cake little的試食, 今次飽C了! 


最先試係熊本の蜜語 ($108), 成品用上3D立體蜜瓜造型, 超級趣緻可愛呢~~



當晚試食竟然係每人四分一個蛋糕, 份量超多!!  然而一食之下, 發覺面層晶瑩剔透的蜜瓜果凍內, 包著粒粒產自九州熊本的鮮甜蜜瓜, 超級juicy又清甜, 襯以下層幼滑不膩的忌廉及鬆軟清香海綿蛋糕, 真係太清新美味了, 要完成都唔係難架~~~ 



第2款係巨峰の季節 ($128), 紫色的立體巨峰造型相當省鏡, 而且一切開蛋糕, 中間的巨峰提子果汁及原粒去皮巨峰提子即時洶湧流出, 吸引力爆燈呢~~ 


巨峰提子的特點係濃甜, 同時帶有輕微醉人果香, 鍾意食巨峰的一定會好buy依款蛋糕; 媽媽自己都OK鍾意依款口味, 但相比下始終心傾前一款較清新的蜜瓜口味!


沖繩の菠浪 ($108), 其實唔駛試都知係寶, 因為沖繩的菠蘿特別清甜芳香又juicy, 以它為原料一定好食! 而店方巧妙襯以幼滑輕盈的香橙慕絲, 再加上沖繩菠蘿夾心果凍, 微酸清甜相當可喜! 
  
 
之後有媽媽超愛, 今年載譽重歸的白桃の愛慕 ($108)~~ 面層飽滿的白桃實在太清新甜美又多汁喇, 配合以日本直送的清甜白桃汁, 以及北海道3.6牛乳製成的幼滑白桃慕絲, 非常好吃!! 


最後係造型最為精緻可人的赤莓の動心 ($128), 與巨峰の季節一樣都有流心效果架, 悅目之極, 不過講到清甜多汁媽媽都係鍾意蜜瓜、菠蘿同白桃多D! 是晚投票結果亦係依3款跑出呢~~



依一系列的cake little 6/6已經開始發售, 黎緊父親佳節大家都可以買返去食喎!

最後當晚我地又率先欣賞由AKB48小嶋陽菜拍攝的電視廣告 (廣告由6/17起, 會分3階段出街)~~

無疑小嶋陽菜的yummy face都好靚女又自然, 不過點解我覺得由Matthew來拍會更適合? 



最後原來店方又準備了特別版的迷你cake little (無得賣架~~) 送俾每位blogger, 好開心呀! 

活動後馬上趕返屋企, 時間只係9點零, 為食豬仲未訓, 更馬上衝去拎甜品食!!! 


三款果味甜品真係又精緻又好味, Matthew你真係識食~~~~


先向蜜瓜味進攻, 為食豬心急開動中.......


慢慢dap下.......


唔, 真係好好味呀~~~~ 


再食菠蘿味, 個樣都仍然係咁冧~~~~ 



爆笑yummy face又出現啦~~~~ 


食到好味甜品, 有人high到呢........


結果一晚KO哂三件甜品!! Matthew的甜魔指數真係比媽媽仲堅呀~~~ 


多謝東海堂的邀請, 並期待將來更多創新同時又有質素的出品~~~ 

留言

  1. 一晚KO哂三件甜品!! 勁啊﹗看他的笑瞼真想錫一啖﹗

    回覆刪除
    回覆
    1. matthew不嬲都係小甜魔, 以後多d上黎探佢啦! :D

      刪除

發佈留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~