由澳門回港後, 一家四口馬上又趕到elements, 參加另一場非常精彩的試食了! 
西式的High Tea吃得多, 今次比較特別, 我們來到圓方店的Mango Tree品嚐泰式下午茶; 餐廳位處商場金區的尊貴地段, 坐擁美麗維港景觀, 來到不久已被其環境及氣氛所迷倒!
店內的裝修簡約得來非常有格調, 看得人非常舒服! 可惜是當日天暗有雨... 如在萬里無雲的晴朗日子到訪, 慢慢欣賞太陽逐漸落入地平線的動態變幻, 那會是多麼寫意、令人沉醉的時光!
這天下午到訪的除了一家四口, 還包括由澳門帶回來的獅子Alex~~~
Matthew「琴日全日, 加上今日半朝我都係咁對住你, 真係好鬼悶呀~~~」
Alex「我都知你唔鍾意我..... 我每次一行近你身邊就大喊o既~~~~」
Matthew「哼, 你知道就好啦, 我真係唔想再見到你呀!!」
搞完gag後, Deluxe High Tea Set尊貴泰式下午茶 (兩位用$468) 都上檯啦, 內容好豐富呢:
鹹點：軟殼蟹米紙卷、香脆米餅配蝦肉醬、斑蘭葉嫩雞卷、柚子蟹肉沙律、青芒果辣蝦沙律、燒珍寶河蝦 / 甜點：芒果糯米飯或芒果芝士蛋糕、椰汁西米糕、泰式斑蘭千層糕...
Tea Set還包兩杯特飲, 可選酒精類雞尾酒的Pineapple Mojito / Watermelon Pop, 又或非酒精類雞尾酒的Coconut Treasure / Lychee Smash, 或是各式鮮果沙冰 / 泰國椰青, 各適其式!
媽媽揀了Lychee Smash (散點價$70), 由搗碎的清甜荔枝, 加上新鮮青檸、薄荷, 以及ginger ale而成, 微甜的口味非常清爽怡人, 很適合夏日享用, 亦與泰式食品非常合襯
老公就點了含酒精的Watermelon Pop (散叫價$85), 加了Sky berry vodka及Red berry tea關係, 紅艷艷的外表靚到不得了, 可飲來有點近似藥水的口味, 相比之下前一款特飲會較吸引~~
凡惠顧High Tea, 還可享以$100升級享用迷你Moët & Chandon香檳一支, 令原已寫意美好的下午茶更加沉醉~~
食物同飲品都上齊啦, 開餐前媽媽同Matthew來張合照啦~~ Matthew仔Tea buffet食得多, High Tea卻只是第一次參興, 顯得非常之激動興奮呢, 哈哈哈!
影完相, 我唔客氣開動啦!!
先試青芒果辣蝦沙律, 大蝦既鮮又爽, 襯以辣味青芒果沙律, 超醒胃惹人食慾; 柚子蟹肉沙律亦清爽得來鮮美吸引, 又係超適合夏日享用~~~ 
當然也要趁熱享用燒珍寶河蝦, 河蝦體積可媲龍蝦, 但蝦肉更為澎湃, 烤得香口吸引, 爆膏的蝦頭更是好味到無朋友!!
另外香脆米餅配蝦肉醬及斑蘭葉嫩雞卷亦是佳品, 富有濃濃泰式風味~~
最後品嚐甜點部份, 名店即是名店, 簡單如椰汁西米糕都特別香甜可人, 泰式斑蘭千層糕更是芳香迷人, 那軟糯的質感非常出色; 至於芒果芝士蛋糕更是近年吃過的最佳芝士蛋糕, 非常美妙!!
媽媽當然也不會錯過此店著名的人氣甜品芒果糯米飯, 果然也是高水準出品, 食畢非常滿足!!
再加上口感細膩美妙的Moët & Chandon香檳 (嘻嘻, 我真的很愛這款香檳, 忍不住也飲了一兩口啦~~~), 真是太幸福美好的一個下午了~~~
講起香檳, 於High Tea中玩到好high的Matthew仔都好想飲埋一份架, kaka~~~
如自問細食KO唔哂咁多美點, 亦可以選擇Delight High Tea Set悠閒泰式下午茶 (兩位用$368), 鹹點包括：素菜春卷、泰式炸蝦多士、雞肉沙爹、柚子蟹肉沙律、青芒果辣蝦沙律; 而甜點包括：芒果糯米飯或芒果芝士蛋糕、椰汁西米糕、泰式斑蘭千層糕, 同樣包兩杯特飲, 亦可加$100升級香檳!
以上兩款泰式下午茶由即日起, 每日3:00pm – 6:00pm於圓方店供應, 想學我地咁嘆都訂位去試啦!
最後post下Matthew仔在Elements開心玩樂的片段~~ 今次依個行程真係好完滿開心丫!
接下來的倒數日子日漸見少, 因此更加會珍惜每一次出街開心的時光呀~~~
留言
發佈留言