跳至主要內容

Happy Birthday to me!! 2個新開始~~~~ (Yahoo copy版)

媽媽覺得自己好幸福, 未到生日, 已經收到很多的祝福, 真的多謝大家 ; 來到8/24是我正日生日, 讓我也對自己講聲: 生日快樂!! Happy Birthday~~~ 

雖然還有些食記pending未出, 不過這兩天有些新開始 / 新updates要搶先與大家分享, 就jump一下quene吧! 首先, 由昨天8/23開始, 媽媽開始放產假, 超開心!! 

嚴格來講, 昨天未算產假, 而是產檢假---上午先到健康院檢查 (當然又是一切正常, 而且妹妹開始落盆骨了~~), 中午就一家出發去灣仔萬麗海景酒店Scala嘆靚lunch~ 


鍾意餐廳的環境洋溢歐陸風情又含蓄典雅, 令人感覺很放鬆, 而半圓沙發位也實在很舒適! 氣氛影響下, 就算人多也不會很嘈吵~~ 可惜是日天暗有雨啦, 否則景致應該更加迷人呢! 



先是麵包碟, 共有grissini、香草包及法包, 水準都不錯, Matthew尤其愛吃鬆軟的蕃茄香草包; 但更加出色其實是小樽裝上的橄欖油及意大利黑醋, 因為它們, 我們將麵包全KO了! 




頭盤點了Onion Cider Cream Soup, Cheese Crostini, 早前在Pickled Pelican吃過太出色的洋蔥湯啦, 不過這裡的出品也不錯, 洋蔥湯很清甜, 為食Matthew也爭著飲了不少~~ 



老公則揀了Marinade Salmon, Beetroot Puree, Wild Rocket Salad, 三文魚極之肥美鮮嫩, 好吃不得了, 加上微甜的紅菜頭醬汁, 以及清新的火箭菜沙律, 又係好滿意的呢! 



接著主菜的Grilled N.Z. Beef Fillet, Roma Tomato Mozarella Cheese Salad也很精彩, medium rare的牛柳肉質極嫩, 牛肉濃郁, 好吃極了; 而伴碟的意大利蕃茄已作去皮處理, 清甜而多汁, 拌上美味水牛芝士, 水嫩BB菠菜葉, 以及醒胃的黑醋汁, 清新美味又健康! 



我點的Pan fried Australian Pork Loin, Apple Mash, Green Peppercorn Cream也不錯, 豬柳煎得不會過熟, 還是略帶粉紅色澤, 肉嫩帶汁那種, 加上胡椒忌廉醬汁十分惹味~~ 

Matthew則十分喜愛伴碟的蘋果薯蓉, 是日給他吃了大半呢!! 



午餐頭盤及主菜均出色滿意, 唯獨甜品選擇令人失望, 竟是Watermelon Soup, Lemon Sorbet OR Mixed Fresh Berries, 都不吸引呢... 好在問了侍者餐廳臨時加推Tiramisu, 就點它吧! 
 


不想重複, 我們只點了一份Tiramisu, 原來份量不小呢, 而且質感濕潤, 咖啡、mascarpone及酒味均夠濃郁而平衡, 十分美味!!  是近期吃過最美味的出品, 但就冇Matthew份了~~


最後老公又點了杯Cappuccino, 泡沫十分豐富, 再享用了店方奉上的Petit fours (有biscotti及朱古力杏仁脆啦), 是十分滿足的一頓~~ 



媽媽可能真係隨時得生得了, 因為口味改變了, 竟然想來杯熱檸蜜, 而且飲到上哂癮, 一沖就是4杯, 成罐蜜糖都KO哂呢!!  以$228 / 兩道菜, $268 / 三道菜的價位, 食得過呀 



今餐影得Matthew唔多, 不過都要貼2張豬仔照滿足下大家!! 其實都幾surprise fine-dining的Scala都接受BB入場, 好在是日多數時間Matthew都乖乖食野, 係到檸檬位C都唔肯俾媽媽! 



又睇下爸爸的大機相啦, 靚機靚鏡真係唔一樣呀~~~~ 


仲有一段Matthew練習電眼的超短片.... 笑 / 電C人啦~~~~ 


是日出黎純為食餐好放鬆心情, 但估唔到同層又有酒店的Children Playground喎, Matthew發達啦! 


我要玩呀玩呀, 返呀返呀返!!! 





睇下爸B拍的video, Matthew真係好似一隻無有怕的monkey呀, 邊諗到佢只係22個半月的BB???


始終落過雨有D水漬, o拿o拿, 跌親喇.............. 



Matthew BB馬上大喊, 個下媽媽都有心痛架..... 



不過好快又開心生猛哂繼續玩啦................. 






   

反而Matthew唔太鍾意玩千秋~~~ 可能因為無得自由咁走!! 


玩到成身都濕哂, 好在是日有帶衫同佢換咋! 



之後差不多回程啦, 因為下午媽媽又約了私家醫生照超聲波呢! 肚中妹妹除了落緊盆骨, 唔知係咪依媽媽食得太豐富, 已由8/6的2.77kg, 急增至3.4 - 3.5kg (~7磅半), 好肥美啊! 

離預產期仲有2星期, 一方面, 媽媽有點擔心妹妹Chloe會比Matthew更加大隻, 分分鐘8磅幾比較難生, 不過另一方面, 媽媽都係更想佢自由發展, 總之到ready先出黎見大家! 不過如果有一日yahoo blog突然斷貨, 就有可能係Chloe已經出世啦!! 

亦係因為有感寫blog始終比較遲, 好難記錄real time的事件, 媽媽打算趁今日生日大日子, 推出Matthew and Chloe的Facebook fanspage, 希望大家都支持like下呢!
 
https://www.facebook.com/Matthewnchloe 
   
** 隨著產假開始 + 妹妹落緊盆骨媽媽隨時作動入院生得想緊貼情況, likeMatthew and Chloepage!

留言

此網誌的熱門文章

快樂週五:十週年錫婚之旅預告 + 美國簽證心得分享

Happy Friday,急不及待分享今早美國簽證面試成功的好消息,數個月後的十週年錫婚之旅,就此敲定會去美加啦!不得不說,美國簽證還真是超麻煩又難搞,所以今篇也分享一下個人心得~ 先講講為什麼會想去美加。九週年的歐洲遊無疑十分開心,但再去最快也要2020年,始終去歐洲要計劃太多東西,十週年本來想去輕鬆的陽光海灘遊,其中斐濟是最大的目標。不過斐濟位於南半球,7-8月去會有點冷,未必能下水;所以又想過再去印尼  峇厘島 ;但期待度當然就差一截啦... 後來甜魔媽媽在去年的 Langham x Cordis 聖誕派對  中,幸運獲得 Langham New York 三晚套房住宿 + 雙人早餐 + 雙人Spa + 雙人米芝蓮晚餐,才開始研究這個從未想過會踏足的北美洲。

天佑烏克蘭 Stand with Ukraine

本想如常分享移加點滴,但2022年2月24日正式開啟的俄烏戰事,實在令人揪心!忍不住要在小小空間,記錄一下這一週多的所見所聞及所思所想。 Source: NBC News 甜魔媽媽明白並了解,每個國家、民族,甚至每個個體都有不同立場、政見及想法,但戰爭不同於一般外交手段,中間 必然牽涉殺戮及傷害 ,當中又無可避免會禍及無辜平民及婦孺。所以作為一個有同理心的正常人,我絕對 反對戰爭 ,而俄烏戰事一開始,甜魔媽媽就心痛不己;事實上,網上也到處都流傳著烏克蘭非軍事區被炮轟,百姓面對生離死別的催淚畫面。

久違了的元朗食記-雞地篇:覓食家 + 百份百 + Mr. Chef + Darci by Aldou...

Happy Friday,繼續分享元朗本區食記,但雞地在那裡?其實是指元朗段以南、鳳翔路以東、元朗公路以西、下攸田村以北的地段,由於曾是元朗墟買賣雞鴨等家禽的市場,故有「雞地」之篇,很多街道都以「鳳X街/路」取名!甜魔家正正位處這區,所以常在這帶出沒搵食,下面介紹的餐廳,很多都是吃了十數次,甚至過百次的街坊店了~